സൂര്യോദയത്തിനു മുന്നേ എഴുന്നേൽക്കുക.

പ്രഭാതത്തിലും പ്രദോഷത്തിലും നിലവിളക്കു കൊളുത്തി പ്രാർഥിക്കുക. സാധിക്കുമെങ്കിൽ സൂര്യനമസ്കാരം ശീലമാക്കുക.

ഭക്ഷണത്തിന് മുൻപും ശേഷവും ഈശ്വരനോട് നന്ദി പറയുക.

വീട്ടിൽനിന്നിറങ്ങുമ്പോൾ മുതിര്‍ന്നവരോടു യാത്ര ചോദിക്കുക.

പുസ്തകപാരായണം ,വൃക്ഷലതാതി സംരക്ഷണം ,പരിസര ശുചീകരണം, സാത്വികമായ ഭക്ഷണം എന്നിവ ശീലമാക്കുക.

അറിഞ്ഞുകൊണ്ട് മറ്റൊരാളെ ദ്രോഹിക്കുക, മറ്റുള്ളവരെ വേദനിപ്പിക്കുന്ന രീതിയിൽ സംസാരിക്കുക, മനഃപൂർവമുള്ള കളിയാക്കൽ എന്നിവ തീർത്തും ഒഴിവാക്കുക.

സഹായം ചോദിക്കുന്നവർക്ക് അവനവനാൽ കഴിയുന്ന രീതിയിൽ സഹായം ചെയ്യുക.

അഹങ്കാരം, അസൂയ, വാശി, പക, നിന്ദ, ക്രോധം എന്നീ വികാരങ്ങള്‍ മനസ്സില്‍നിന്നും മാറ്റാൻ ശ്രമിച്ച്‌ അവിടെ ഈശ്വരചിന്ത നിറയ്ക്കുക.

സാധിക്കുന്ന അവസരങ്ങളിൽ ക്ഷേത്രദർശനം ശീലമാക്കുക. വ്രതാനുഷ്ഠാനങ്ങൾ ജീവിതത്തിന്റെ ഭാഗമാക്കുക.

നാമജപത്തിന് പ്രാധാന്യം നൽകുക. കലിയുഗത്തിലെ ദുരിതങ്ങളിൽ നിന്ന് മോചനം നേടാൻ എളുപ്പമാർഗ്ഗമത്രേ നാമജപം.