വ്യാഴം മേടം രാശിയിൽ നിന്ന് ഇടവം രാശിയിലേക്കു പ്രവേശിക്കുന്ന ഈയാഴ്ച മേടക്കൂറുകാർക്ക് പ്രതീക്ഷയുടെ ദിവസങ്ങളായിരിക്കും. ആഴ്ചയുടെ പകുതിക്കു ശേഷം മനസ്സ് കൂടുതൽ സ്വസ്ഥമാകും.
വ്യാഴത്തിന്റെ രാശിമാറ്റം മൂലം ഇടവക്കൂറുകാർക്ക് ഈയാഴ്ച പകുതിക്കു ശേഷം കൂടുതൽ നല്ല ഫലങ്ങൾ പ്രതീക്ഷിക്കാം.
വ്യാഴമാറ്റം മൂലം മിഥുനക്കൂറുകാർക്ക് ആഴ്ചയുടെ രണ്ടാംപകുതിയിൽ ചെലവു കൂടും. മനസ്സിനു സ്വസ്ഥത കുറയും.
കർക്കടകക്കൂറുകാർക്ക് ഈയാഴ്ച കുടുംബകാര്യങ്ങളിൽ സ്വസ്ഥത അനുഭവപ്പെടും. ജോലികാര്യങ്ങളിലെ തടസ്സങ്ങൾ മാറും.
ചിങ്ങക്കൂറുകാർക്ക് ആഴ്ചയുടെ രണ്ടാം പകുതിയിൽ ജോലിരംഗത്തു ചെറിയ തോതിലുള്ള മന്ദത തുടരും. എന്നാൽ ആഴ്ചയുടെ ആദ്യ പകുതിയിൽ തികച്ചും നല്ല അനുഭവങ്ങൾ ഉണ്ടാകും.
കന്നിക്കൂറുകാർക്ക് ഈയാഴ്ച അനുകൂല ഫലങ്ങൾ പ്രതീക്ഷിക്കാം. ആഴ്ചയുടെ പകുതിക്കു ശേഷം ചെലവു നിയന്ത്രിക്കാൻ കഴിയും.
വ്യാഴമാറ്റം മൂലം തുലാക്കൂറുകാർക്ക് ഈയാഴ്ച രണ്ടാംപകുതിയിൽ മനസ്സിനു സ്വസ്ഥത കുറയും. കുടുംബത്തിൽ സ്വസ്ഥത വീണ്ടെടുക്കാൻ കഴിയും.
വൃശ്ചികക്കൂറുകാർക്ക് ഈയാഴ്ച ഇടപെടുന്ന കാര്യങ്ങളിൽ മന്ദത അനുഭവപ്പെടും. ആഴ്ചയുടെ പകുതിക്കു ശേഷം കാര്യങ്ങൾ അനുകൂലമാകും. ആരോഗ്യകാര്യങ്ങളിൽ കരുതൽ വേണം.
ധനുക്കൂറുകാർക്ക് പൊതുവേ അനുകൂലഫലങ്ങളാണ് അനുഭവപ്പെടുക. ജോലിരംഗത്തും വലിയ പ്രതിസന്ധികൾക്കൊന്നും സാധ്യതയില്ല.
ഈയാഴ്ച മകരക്കൂറുകാർക്കു നല്ല ഫലങ്ങൾ പ്രതീക്ഷിക്കാം. ആഴ്ചയുടെ പകുതിക്കു ശേഷം കുടുംബത്തിൽ സ്വസ്ഥതയും സമാധാനവും നിലനിർത്താൻ സാധിക്കും.
കുംഭക്കൂറുകാർക്ക് ആഴ്ചയുടെ പകുതിക്കു ശേഷം നല്ല ഫലങ്ങൾ പ്രതീക്ഷിക്കാം. ആദ്യപകുതിയിൽ ജോലികാര്യങ്ങളിൽ ഏറ്റെടുത്ത ദൗത്യം പൂർത്തിയാക്കുന്നതിൽ ചെറിയ കാലതാമസം അനുഭവപ്പെടാം.
മീനക്കൂറുകാർക്ക് ഈയാഴ്ച ആദ്യപകുതിയിൽ ഇടപെടുന്ന കാര്യങ്ങളിൽ നല്ല ഫലങ്ങൾ പ്രതീക്ഷിക്കാം. കുടുംബകാര്യങ്ങളിലും ജോലിരംഗത്തും സ്വസ്ഥത നിലനിർത്താൻ സാധിക്കും.