ടെസ്റ്റ് ക്രിക്കറ്റിൽ 14,000 റൺസ് നേടിയ ആദ്യ താരമായി സച്ചിൻ തെൻഡുൽക്കർ.
ബെംഗളൂരു ചിന്നസ്വാമി സ്റ്റേഡിയത്തിൽ ഓസ്ട്രേലിയക്കെതിരെ നടന്ന ടെസ്റ്റിൽ നഥാൻ ഹൊറിറ്റ്സിന്റെ പന്തിലായിരുന്നു ഈ നേട്ടം. ടെസ്റ്റിൽ ഏറ്റവും കൂടുതൽ റൺസ് നേടിയ റെക്കോർഡ് സച്ചിനാണ്.
ടെസ്റ്റിൽ 200 മാച്ചുകളിലെ 329 ഇന്നിങ്സിൽ നിന്നു 15,921 റൺസാണു സച്ചിന്റെ നേട്ടം. 51 സെഞ്ചറിയും 68 അർധ സെഞ്ചറിയുമുണ്ട്.
ടെസ്റ്റിൽ 53.78 ആണു ബാറ്റിങ് ശരാശരി. 248 നോട്ടൗട്ട് ആണു ടെസ്റ്റിലെ ഉയർന്ന സ്കോർ.
1989 നവംബർ 15നു പാക്കിസ്ഥാനെതിരെ കറാച്ചിയിലായിരുന്നു സച്ചിന്റെ ടെസ്റ്റ് അരങ്ങേറ്റം. 2013 നവംബറിൽ മുംബൈയിൽ വെസ്റ്റിൻഡീസിന് എതിരെയായിരുന്നു അവസാന ടെസ്റ്റ്.