തന്നെക്കുറിച്ചു മാത്രം ചിന്തിക്കുന്നവർക്ക് വിട്ടുവീഴ്ച ചെയ്യാൻ സാധിക്കില്ല
ഡ്രൈവ് ചെയ്യുമ്പോൾ Yield അഥവാ വഴങ്ങുക എന്നതാണ് അംഗീകൃത രീതി, സ്കൂൾ പരിസരത്തു വേഗപരിധി 30 കിലോമീറ്ററെന്നു ബോർഡ് സ്ഥാപിച്ചാൽ അത് അക്ഷരാർഥത്തിൽ അനുസരിക്കണം.
വഴങ്ങിക്കൊടുക്കുക എന്ന ശീലത്തിനു റോഡില് മാത്രമല്ല, ജീവിതത്തിലും വലിയ പ്രാധാന്യമുണ്ട്.
എന്തുകൊണ്ടാണ് വഴങ്ങാൻ എല്ലാവർക്കും സാധിക്കാത്തത്? ഊതിപ്പെരുപ്പിച്ച ‘ഈഗോ’ അഥവാ അഹംഭാവമാണു തടസ്സം.
എന്റെ നിലപാടില് നിന്നു ഞാൻ മാറിയാൽ, വിട്ടുവീഴ്ച ചെയ്താൽ, അതു ദൗർബല്യമായി മറ്റുള്ളവർ കാണില്ലേ എന്നാണ് ഈഗോയുള്ളവരുടെ ആശങ്ക.