കരിയറിൽ പ്രത്യേകിച്ചൊരു നേട്ടവും എത്തിപ്പിടിക്കാനാവാതെയും എന്നാൽ മറ്റൊരു ജോലിക്കു ശ്രമിക്കാനാവാതെയും തളർന്നും വിരസമായും ജീവിക്കുന്നവരുമുണ്ടാകും
വിജയം നേടിയാലും ഇല്ലെങ്കിലും 50 വയസ്സ് കരിയറിൽ പുതിയൊരു തുടക്കത്തിനുള്ള സമയമാണ്.
കരിയർ അല്ലെങ്കിൽ സ്ഥാപനം മാറി തികച്ചും വ്യത്യസ്തമായ സ്ഥലത്തും സാഹചര്യങ്ങളിലും പുതിയൊരു ജോലിക്കു തുടക്കമിടാം.
മധ്യവയസ്സിൽ ഏതെങ്കിലും ഒരു കരിയറല്ല വേണ്ടത്. പൂർണമായും തൃപ്തിപ്പെടുത്തുന്ന, മനസ്സിനോട് ചേർന്നുനിൽക്കുന്ന ഒന്നാണു വേണ്ടത്.
50 വയസ്സു വരെയുള്ള കരിയറിലും ഉപേക്ഷിക്കാതെ കൂടെക്കൊണ്ടുനടന്ന താൽപര്യങ്ങളുണ്ടെങ്കിൽ അവ പുതിയ കരിയറാക്കാവുന്നതാണ്.
ആവശ്യത്തിന് സമയമെടുത്ത് ആലോചിച്ചതിനു ശേഷം മാത്രം പുതിയ കരിയർ തുടങ്ങുന്നതാണ് നല്ലത്.
എന്തുകൊണ്ട് ജോലി ഉപേക്ഷിക്കണം, പുതിയ ജോലിയുടെ ആവശ്യമെന്ത് എന്നീ ചോദ്യങ്ങൾ സ്വയം ചോദിച്ച് ഉത്തരം കണ്ടെത്തി മാത്രം പുതിയ നീക്കം തുടങ്ങുക.