ഒരു ജോലി കിട്ടാനും ജോലിയിൽ ഉയരാനും പ്രഫഷനൽ നെറ്റ്വർക്കിങ് സഹായിക്കും.
പ്രഫഷനൽ രംഗത്തുള്ള ആളുകളുമായി ബന്ധങ്ങളുണ്ടാക്കുകയും അതു നിലനിർത്തുകയും ചെയ്യുന്നത് ജോലിയിൽ ഉയരാൻ സഹായിക്കും.
ഒരു ജോലിയിൽ പ്രവേശിച്ച ശേഷം മുന്നോട്ടുള്ള യാത്രയിൽ എന്താണു വേണ്ടതെന്ന കൃത്യമായ അറിവു വേണം.
ഫെയ്സ്ബുക്ക്, ഇൻസ്റ്റഗ്രാം തുടങ്ങിയ സമൂഹ മാധ്യമങ്ങളിലൂടെ വ്യക്തിബന്ധങ്ങൾ സൃഷ്ടിക്കുക, നിലനിർത്തുക, ജോലിയുമായി ബന്ധപ്പെട്ട കാര്യങ്ങൾ പ്രമോട്ട് ചെയ്യുക തുടങ്ങിയ കാര്യങ്ങൾ ചെയ്യാവുന്നതാണ്.
നമ്മുടെ ജോലിയുമായി ബന്ധപ്പെട്ടു നടക്കുന്ന ഇൻഡസ്ട്രിയൽ ഇവന്റ്സിൽ പരമാവധി പങ്കെടുക്കുക.
പ്രഫഷനലായിട്ടുള്ള ആശയവിനിമയം നിരന്തരമായി തുടർന്നാലേ ജോലിയിലുള്ള ഉയർച്ചയ്ക്ക് ഇത്തരം പ്രഫഷനൽ ബന്ധങ്ങൾ സഹായിക്കൂ.
ജോലിയുടെ അടുത്ത ലെവലിലേക്ക് പോകാൻ സഹായിക്കുന്ന ആളുകളുമായി പരിചയപ്പെടുകയും അവരുടെ ഫോൺനമ്പർ, മെയിൽ അഡ്രസ്സ് ഇവ ശേഖരിക്കുകയും അവരുമായി നിരന്തരം ആശയവിനിമയം നടത്താൻ ശ്രമിക്കുകയും ചെയ്യുക.