ജോലിസ്ഥലം ദുസ്സഹമാക്കുന്ന വ്യക്തികളെ ബുദ്ധിപരമായി കൈകാര്യം ചെയ്യാൻ പഠിച്ചാൽ സുന്ദരമായി ജോലിയും ജീവിതവും മുന്നോട്ടു കൊണ്ടുപോകാം
ജോലിസ്ഥലത്ത് ഞാനൊഴികെ മറ്റുള്ളവരെല്ലാം സന്തോഷത്തിലാണ് എന്ന ധാരണ ചിലർക്കെങ്കിലുമുണ്ട്. അത് തീർത്തും തെറ്റാണ്.
നമുക്ക് ഇഷ്ടമില്ലാത്ത, നമ്മുടെ ജോലിയെ മോശമായി ബാധിക്കുന്ന തരത്തിൽ ആളുകൾ പെരുമാറാൻ സാധ്യതയുണ്ട് എന്ന് മനസ്സിലാക്കണം. വൈകാരികമായി പ്രതികരിക്കാതെ ശാന്തമായിരിക്കാനും ശ്രമിക്കണം.
മനപൂർവം ടോക്സിസിറ്റി ഉണ്ടാക്കുന്നവരെ തിരിച്ചറിയുകയും മേലധികാരികളുടെ ശ്രദ്ധയിൽപ്പെടുത്തുകയും അവർക്കെതിരെ നടപടിയെടുക്കുകയും വേണം.
സഹപ്രവർത്തകരിൽ ഒരാൾ മോശം ഭാഷയിൽ നമ്മളോടു സംസാരിക്കുമ്പോൾ അതേ ഭാഷയിൽ നമ്മളും തിരിച്ചു പറഞ്ഞാൽ അത് കൂടുതൽ പ്രശ്നങ്ങൾക്ക് ഇടയാക്കും.
ചിലയാളുകൾ മറ്റുള്ളവർ പറയുന്നതു കേൾക്കാൻ തയാറാവുകയേയില്ല. ‘ഇതൊക്കെ എനിക്കറിയാം. കൂടുതൽ സംസാരിക്കാൻ വരണ്ട’ എന്ന മട്ടിലാകും അവരുടെ സംസാരം.
മറ്റുള്ളവർ പറയുന്നത് കേൾക്കാൻ സ്ഥാപനമേധാവികൾ തയാറായാൽത്തന്നെ ഒരുവിധം പ്രശ്നങ്ങളെല്ലാം പരിഹരിക്കാൻ സാധിക്കും.
നിങ്ങളും പ്രശ്നക്കാരനായ സഹപ്രവർത്തകനും തമ്മിൽ പ്രശ്നങ്ങൾ പറഞ്ഞു തീർക്കാൻ സാധിക്കുന്നില്ലെങ്കിൽ അവിടെ ഒരു മീഡിയേഷന് ശ്രമിക്കുന്നത് നന്നായിരിക്കും.