കണ്ടറിഞ്ഞു കാര്യങ്ങൾ ചെയ്യാനറിയുന്ന നേതാക്കൾക്കു ചില ഗുണങ്ങളുണ്ട്

ഒരു മുഴം മുൻപേ സഞ്ചരിക്കുന്നവരുടെ കൂടെ രണ്ടുമുഴം പിന്നിൽനിന്നു നിർദേശങ്ങൾ പുറപ്പെടുവിച്ചാൽ അതു കേൾക്കാൻ ആരുമുണ്ടാകില്ല.

അണികളെക്കാൾ മുൻപേ സഞ്ചരിക്കാൻ കഴിയുന്ന നേതാവുള്ള സമൂഹം മാത്രമേ ലക്ഷ്യത്തിലെത്തിച്ചേരൂ.

കാഴ്ചപ്പാടുള്ള നായകർ മാത്രമേ അനുയായികളെ കാലാനുസൃതമായി വളർത്തുകയുള്ളൂ.

സാഹചര്യങ്ങൾക്കനുസരിച്ചു സ്വയം മാറാനും മറ്റുള്ളവരെ മാറ്റിയെടുക്കാനും കഴിയണം.

കാലം മാറുന്നതു മുൻകൂട്ടി കാണാൻ കഴിയാത്തതും ചുറ്റുപാടുകളെ തങ്ങൾക്കനുയോജ്യമാക്കി മാറ്റാനറിയാത്തതുമാണ് ഏതു ജനതയുടെയും പരാജയകാരണം.

തങ്ങളെക്കാൾ മികവുള്ള അണികളിലൂടെയേ നാട് മുന്നോട്ടുപോകൂ എന്ന ചിന്തയുള്ളവരാണ് യഥാർഥ നേതാക്കൾ.