സൗന്ദര്യവർധക കോഴ്‌സായ കോസ്‌മെറ്റോളജിക്കു ചേരാൻ വിദ്യാർഥികൾ കൂടുതലായി താൽപര്യം പ്രകടിപ്പിക്കാറുണ്ട്.
കോസ്‌മെറ്റോളജിക്ക്‌ രാജ്യത്തും വിദേശത്തും വിവിധ തലങ്ങളിലുള്ള ബിരുദ, ബിരുദാനന്തര, ഡിപ്ലോമ, സ്കിൽ വികസന കോഴ്സുകളുണ്ട്.
പ്രഫഷനൽ മേക്കപ്പ്, ബ്യൂട്ടികൾച്ചർ, എസ്തെറ്റിക്സ്, ബ്യൂട്ടി ആൻഡ് സ്‌പാ മാനേജ്‌മന്റ്, ഹെയർ ഡിസൈനിങ്, കോസ്മെറ്റിക് ടെക്നോളജി കോഴ്സുകൾ വിദേശത്തുണ്ട്.
കോസ്മെറ്റിക് ടെക്നോളജിയിൽ ഡിപ്ലോമ, ബി.ടെക്, എം.ടെക് പ്രോഗ്രാമുകളുമുണ്ട്.
രാജ്യത്തിനകത്തും വിദേശത്തും കോഴ്സ് പൂർത്തിയാക്കിയവർക്ക് അവസരങ്ങളേറെയുണ്ട്.
അമേരിക്കയിലും യൂറോപ്യൻ രാജ്യങ്ങളിലും മികച്ച തൊഴിലവസരങ്ങൾ ലഭിക്കും.
പ്ലസ്ടു പൂർത്തിയാക്കിയവർക്കും ബിരുദധാരികൾക്കുമുള്ള വിവിധ പ്രോഗ്രാമുകളുണ്ട്.
ഏതു വിഷയം പഠിച്ചവർക്കും കോസ്‌മെറ്റോളജി പ്രോഗ്രാമിന് ചേരാം.