കോളജുകളോ അധ്യാപകരോ നിർബന്ധിക്കുന്നതിന് അനുസരിച്ചല്ല വിഷയങ്ങളും കോംബിനേഷനും തിരഞ്ഞെടുക്കേണ്ടത്
സ്വന്തം താൽപര്യവും ഭാവിയിലെ ഉപരിപഠന ലക്ഷ്യങ്ങളും അനുസരിച്ചാകണം വിദ്യാർഥികളുടെ തീരുമാനം.
രാജ്യാന്തര തലത്തിലുള്ള പഠന രീതിയാണ് നാലുവർഷ ബിരുദ പ്രോഗ്രാം.
ഒരു വിഷയത്തിനു ചേർന്നശേഷം അതു യോജിച്ചതല്ലെങ്കിൽ മറ്റൊന്നിലേക്കു മാറാൻ കഴിയും.
ഒരു വിഷയം ആഴത്തിൽ പഠിക്കേണ്ടവർക്ക് അങ്ങനെ പഠിക്കാം. വിവിധ വിഷയങ്ങൾ ഉൾപ്പെട്ട മൾട്ടിഡിസിപ്ലിനറി പഠനത്തിനും അവസരമുണ്ട്.
വിദ്യാർഥിയുടെ താൽപര്യത്തിന് അനുസരിച്ചുള്ള ബിരുദ പ്രോഗ്രാം ഡിസൈൻ ചെയ്യാം. കോംബിനേഷനും വിദ്യാർഥിക്കു തിരഞ്ഞെടുക്കാം.
മേജർ വിഷയത്തോടൊപ്പം പഠിക്കേണ്ട മൈനർ വിഷയങ്ങൾ വിദ്യാർഥിക്കു തന്നെ തിരഞ്ഞെടുക്കാം.