ചോലമണ്ഡലി (Malabar Pit Viper, Trimeresurus malabaricus) - 55–105 സെന്റിമീറ്റർ നീളം. പശ്ചിമ ഘട്ടത്തിലെ നിത്യഹരിത വനങ്ങൾ, ചോലക്കാടുകൾ, തോട്ടങ്ങൾ എന്നിവിടങ്ങളിൽ കാണപ്പെടുന്നു. വ്യത്യസ്ത കളർ മോർഫുകളിൽ കാണപ്പെടുന്നു.
ചെംമെലിവാലൻ(Western Shield tail, Teretrurus Sanguineus) - പശ്ചിമഘട്ടത്തിലെ വനപ്രദേശങ്ങളിൽ കാണപ്പെടുന്നു. വിഷമില്ല. തിളങ്ങുന്ന ചുവപ്പ് കലർന്ന തവിട്ട് അല്ലെങ്കിൽ കറുപ്പ് നിറമുള്ള നീളം കുറഞ്ഞ ശരീരം. കവചവാലൻ പാമ്പുകളിൽ പല സ്പീഷസുകളും പല നിറങ്ങളിൽ കാണാം എന്നതിനാൽ നിറം മാത്രം അടിസ്ഥാനമാക്കി തിരിച്ചറിയാനാകില്ല.
മൂർഖൻ (Indian cobra, Naja naja) – 100 –220 സെന്റിമീറ്റർ വരെ നീളം. തലയ്ക്കു കഴുത്തിനേക്കാൾ വീതി കുറവ്. ഇരപിടിക്കാൻ മേൽക്കൂരയിലേക്കും മരമുകളിലേക്കും കയറാൻ സാധിക്കും. ആവാസ വ്യവസ്ഥ, പ്രായം ഇവയെ അടിസ്ഥാനമാക്കി പല നിറങ്ങളിൽ കാണുന്നതിനാൽ പ്രാദേശികമായി നിരവധി പേരുകളുണ്ട്.
ശംഖുവരയൻ (common crait, Bungarus caeruleus) – 90 –120 സെന്റിമീറ്റർ നീളം. മിനുസമുള്ള കറുപ്പ് നിറത്തിൽ വെള്ള നിറത്തിലുള്ള ഇരട്ട വരകൾ. ചിലപ്പോൾ കഴുത്തിനു സമീപം വരകൾ കാണില്ല. വെള്ളിക്കെട്ടനെന്നും പ്രാദേശികമായി മോതിരവളയൻ, കെട്ടുവളയൻ, വളവളപ്പൻ തുടങ്ങിയ പേരുകളിലും അറിയപ്പെടുന്നു.
ചുരുട്ട മണ്ഡലി (Indian saw scaled viper, Echis carinatus) – 30 മുതൽ 80 സെന്റിമീറ്റർ വരെ നീളമുള്ള ഇവ രക്ത അണലി, ഈർച്ചവാൾ ശൽക്ക അണലി എന്നീ പേരുകളിലും അറിയപ്പെടുന്നു. തല ത്രികോണാകൃതിയിലാണ്. മുൻ ഭാഗം കൂർത്ത ശൽക്കങ്ങളുണ്ട്. നിറം തവിട്ട്, ചാരം, ചെങ്കൽ എന്നിങ്ങനെ. മരുഭൂമികൾ വനങ്ങൾ, കുറ്റിച്ചെടിക്കാടുകൾ , ഇലപൊഴിയും കാടുകൾ, പുൽമേടുകൾ, കൃഷി സ്ഥലങ്ങൾ, ചെങ്കൽ കുന്നുകൾ എന്നിവിടങ്ങളിൽ കാണപ്പെടുന്നു.