അര്ബുദത്തിന്റെ ചില പ്രാരംഭ ലക്ഷണങ്ങളെ കരുതിയിരിക്കുന്നത് നേരത്തെയുള്ള രോഗനിര്ണയത്തിന് സഹായകമാകും
മലത്തില് രക്തം കാണപ്പെടുന്നത്, മലബന്ധം, വയറിലോ മലദ്വാരത്തിലോ വേദന അനുഭവപ്പെടുന്നത് എന്നിവ പ്രാരംഭ ലക്ഷണങ്ങളാകാം
കഫത്തിലോ മൂത്രത്തിലോ മലത്തിലോ രക്തം കാണപ്പെടുന്നത് അവഗണിക്കാന് കഴിയാത്ത അര്ബുദ രോഗലക്ഷണമാണ്
ഗ്യാസ് ട്രബിള് പോലെ വയര് വീര്ത്തു വരുന്നത് മൂന്നാഴ്ചയിലധികം തുടര്ന്നാല് ഡോക്ടറെ കാണാന് വൈകരുത്
സ്തനത്തില് എന്തെങ്കിലും മുഴ പ്രത്യക്ഷപ്പെടുകയോ പെട്ടെന്ന് വലുതാകുകയോ ചെയ്താല് ഡോക്ടറെ കാണേണ്ടതാണ്
ഡയറ്റിങ്ങോ വ്യായാമമോ സമ്മര്ദമോ ഒന്നും കൂടാതെ പെട്ടെന്ന് ഭാരം കുറഞ്ഞാല് സൂക്ഷിക്കണം. പ്രമേഹത്തിന്റെ മാത്രമല്ല അര്ബുദത്തിന്റെയും ലക്ഷണമാകാം
തുടര്ച്ചയായ ചുമ, ശ്വാസംമുട്ടല്, നെഞ്ച് വേദന എന്നിവ അര്ബുദ ലക്ഷണമാകാം. മറ്റു പല രോഗങ്ങളുടെയും സാധ്യത തള്ളിക്കളയാനാകാത്തതിനാല് ഡോക്ടറെ കണ്ട് അര്ബുദമല്ലെന്ന് ഉറപ്പാക്കുക
മറുകുകളോ അരിമ്പാറയോ വലുതാകുകകയോ ചൊറിച്ചില് അനുഭവപ്പെടുകയോ രക്തം വരാന് തുടങ്ങുകയോ ചെയ്യുന്നത് കരുതിയിരിക്കേണ്ട അര്ബുദ ലക്ഷണമാണ്