കുടവയറും അമിതവണ്ണവും ഹൃദ്രോഗം, പക്ഷാഘാതം, ഉയര്‍ന്ന രക്തസമ്മര്‍ദം, പ്രമേഹം, പിത്താശയ കല്ലുകള്‍, ശ്വാസംമുട്ടല്‍, ചില തരം അര്‍ബുദങ്ങള്‍, മറവി രോഗം, ആസ്മ എന്നിവയുടെ സാധ്യത വര്‍ധിപ്പിക്കാം
ഉത്കണ്ഠ, വിഷാദം പോലുള്ള മാനസികാരോഗ്യ പ്രശ്നങ്ങളുമായും അമിതവണ്ണം ബന്ധപ്പെട്ടിരിക്കുന്നു
ദീര്‍ഘകാലം ആരോഗ്യത്തോടെ ഇരിക്കുന്നതിന് അമിതവണ്ണം കുറച്ച് ശരീരം ഫിറ്റാക്കി നിലനിര്‍ത്തേണ്ടത് അത്യാവശ്യമാണ്
കുടവയറുണ്ടാകുന്നതിനുള്ള ഏഴ് കാരണങ്ങള്‍ അറിയാം
പ്രോട്ടീന്‍ കുറഞ്ഞതും കാര്‍ബോഹൈഡ്രേറ്റ്, കൊഴുപ്പ് എന്നിവ കൂടിയതുമായ ഭക്ഷണക്രമം കുടവയറിന്‍റെ പ്രധാനകാരണമാണ്
പ്രോട്ടീന്‍ കഴിക്കുന്നത് ദീര്‍ഘനേരത്തേക്ക് വിശക്കാതിരിക്കാന്‍ ശരീരത്തെ സഹായിക്കും. ഇതിന്‍റെ അഭാവം എപ്പോഴും വിശപ്പ് തോന്നാനും കൂടുതല്‍ വലിച്ചുവാരി തിന്നാനും കാരണമാകും
ഫാസ്റ്റ്ഫുഡ്, ബിസ്ക്കറ്റ്, ബേക്കറി പലഹാരം എന്നിവയിലെ ട്രാന്‍സ്ഫാറ്റും അമിതവണ്ണത്തിലേക്ക് നയിക്കും
വ്യായാമമില്ലാത്ത അലസമായ ജീവിതശൈലി തൊലിക്കടിയിലും അവയവങ്ങള്‍ക്ക് ചുറ്റിലും കൊഴുപ്പ് അടിഞ്ഞു കൂടാന്‍ കാരണമാകും
കാലറികള്‍ കത്തിച്ചു കളയാതെ കൂടുതല്‍ കൂടുതല്‍ കാലറി ശരീരത്തിലെത്തുമ്പോൾ അവ കൊഴുപ്പായി ശരീരത്തില്‍ ശേഖരിച്ചു വയ്ക്കപ്പെടും
അമിതമായ മദ്യപാനം വയറിന് ചുറ്റും കൊഴുപ്പ് അടിഞ്ഞു കൂടുന്നതിലേക്ക് നയിക്കും
ഒരാള്‍ മാനസിക സമ്മര്‍ദത്തിലാകുമ്പോൾ ശരീരത്തില്‍ ഉത്പാദിപ്പിക്കപ്പെടുന്ന കോര്‍ട്ടിസോള്‍ എന്ന സ്ട്രെസ് ഹോര്‍മോണ്‍ നമ്മുടെ ചയാപചയത്തെ ബാധിക്കും
സമ്മര്‍ദം കൂടിയ സാഹചര്യങ്ങളില്‍ ആളുകള്‍ കൂടുതല്‍ ഭക്ഷണം കഴിക്കാറുണ്ട്. ഇത്തരത്തില്‍ അധികമായി ഉള്ളിലെത്തുന്ന കാലറി വയറിന് ചുറ്റും നിക്ഷേപിക്കപ്പെടാന്‍ കോര്‍ട്ടിസോള്‍ കാരണമാകും
അമിതവണ്ണത്തിന് ചിലപ്പോള്‍ ജനിതകപരമായ കാരണങ്ങള്‍ ഉണ്ടാകാമെന്ന് പല പഠനങ്ങളും ചൂണ്ടിക്കാണിക്കുന്നു
ആവശ്യത്തിന് ഉറക്കം ലഭിക്കാതിരിക്കുന്ന അവസ്ഥയും കുടവയറിലേക്ക് നയിക്കാം
കൂടുതല്‍ നേരം ഉറങ്ങാതിരിക്കുന്നത് കൂടുതല്‍ ഭക്ഷണം കഴിക്കാനുള്ള സാധ്യതയും വര്‍ധിപ്പിക്കുന്നു
പുകവലിക്കാത്തവരെ അപേക്ഷിച്ച് പുകവലിക്കുന്നവര്‍ക്ക് വയറിനും അവയവങ്ങള്‍ക്ക് ചുറ്റും കൊഴുപ്പടിയാന്‍ സാധ്യത കൂടുതലാണെന്ന് പഠനങ്ങള്‍ ചൂണ്ടിക്കാണിക്കുന്നു