ഉപ്പൂറ്റിയുടെ അസ്ഥിയിൽ നിന്ന് കാൽവിരലുകളുടെ അസ്ഥിയിലേക്കു വ്യാപിച്ചു കിടക്കുന്ന പ്ലാന്റാർ ഫേഷ്യ എന്ന കട്ടിയുള്ള പാടയ്ക്കു വരുന്ന നീർവീക്കമാണ് ഉപ്പൂറ്റി വേദനയ്ക്കു പ്രധാന കാരണം

രാവിലെ കാൽ നിലത്തു കുത്തുമ്പോൾ അനുഭവപ്പെടുന്ന കഠിന വേദനയാണു പ്രധാന ലക്ഷണം

ദീർഘനേരം നിൽക്കുന്നവരിലും പടികൾ കയറി ഇറങ്ങുന്നവരിലും അമിതവണ്ണമുള്ളവരിലുമാണ് ഈ വേദന കൂടുതൽ കാണുന്നത്

കാലിന്റെ പുറകിലെ ചില പേശികൾ ചേർന്ന് ഉണ്ടാകുന്ന അകിലസ് ടെൻഡർ അസ്ഥിയുമായി ചേരുന്ന ഭാഗത്ത് ഉണ്ടാകുന്ന നീർക്കെട്ട് മൂലവും ഉപ്പൂറ്റി വേദന വരാം

പരിഹാരത്തിനായി നീരും വേദനയും കുറയ്ക്കാനുള്ള മരുന്നുകൾ കഴിക്കാം. ചൂടുവെള്ളത്തിൽ 10 മിനിറ്റ് കാൽ മുക്കിവച്ച ശേഷം, തണുത്ത വെള്ളത്തിൽ ഒരു മിനിറ്റ് കാൽ വയ്ക്കുന്നത് വേദന കുറയ്ക്കാൻ സഹായിക്കും

കാൽപാദം ഐസ്‌വെള്ളം നിറച്ച കുപ്പിയുടെ മേൽവച്ച് അമർത്തി മുൻപോട്ടും പിറകോട്ടും 10 മിനിറ്റ് ഉരുട്ടുക

നിന്നു ജോലി ചെയ്യുന്നവർക്ക്, ഷൂവിന് ഉള്ളിലായി സിലിക്കൺ കൊണ്ടുള്ള ഹീൽ കപ്പ് ഉപയോഗിക്കാം. ഒരു മണിക്കൂർ കൂടുമ്പോൾ അഞ്ചു മിനിറ്റ് ഇരുന്നു വിശ്രമിക്കാം

മൃദുവായ ചെരിപ്പുകൾ പ്രത്യേകിച്ച് മൈക്രോസെല്ലുലാർ റബർ ചെരിപ്പ് ഉപ്പൂറ്റി വേദനയുള്ളവർക്ക് ഉത്തമം