നിത്യവും വ്യായാമം ഉള്പ്പെടുന്ന സജീവ ജീവിതശൈലി കരളിന്റെ ആരോഗ്യത്തിന് ആവശ്യമാണ്. ആഴ്ചയില് കുറഞ്ഞത് 150 മിനിറ്റ് വ്യായാമത്തില് ഏര്പ്പെടുകയോ കുറഞ്ഞത് 10,000 ചുവടുകള് ഒരു ദിവസം നടക്കുകയോ ചെയ്യേണ്ടതാണ്
മദ്യപാനം പൂര്ണമായും ഒഴിവാക്കുകയോ അത് പറ്റിയില്ലെങ്കില് നിയന്ത്രിതമായ തോതില് മാത്രം കുടിക്കുകയോ ചെയ്യേണ്ടതാണ്
പോഷകസമ്പുഷ്ടവും സമീകൃതവുമായ ആഹാരശൈലിയും കരളിന്റെ ആരോഗ്യത്തിന് പ്രധാനമാണ്. കൊഴുപ്പും കാര്ബോഹൈഡ്രേറ്റും കുറഞ്ഞതും ഫൈബറും ഒമേഗ-3 ഫാറ്റി ആസിഡും കൂടിയതുമായ ഭക്ഷണക്രമം പിന്തുടരണം. കോഫി, നട്സ്, മീന്, ഒലീവ് എണ്ണ എന്നിവയും കരളിന്റെ ആരോഗ്യത്തിന് സുരക്ഷിതമാണ്
ശരീരത്തിലെ വിഷവസ്തുക്കൾ നീക്കം ചെയ്യുന്നതിന് ധാരാളം വെള്ളം കുടിക്കുകയും പഴങ്ങളും പച്ചക്കറികളും കഴിക്കുകയും ചെയ്യേണ്ടതാണ്
അമിതമായ ശരീരഭാരവും കരളിന് സമ്മര്ദം വര്ധിപ്പിക്കും. അഞ്ച് മുതല് 10 ശതമാനം വരെ ഭാരം കുറയ്ക്കാനായി കാലറിയുടെ അളവില് 25 ശതമാനമെങ്കിലും കുറവ് വരുത്തണം. ജങ്ക് ഫുഡും സംസ്കരിച്ച ഭക്ഷണവും ഉപ്പും പരിമിതപ്പെടുത്താം
ഹെപറ്റൈറ്റിസ് എ, ബി, സി എന്നീ രോഗങ്ങളില് നിന്ന് കരളിനെ സംരക്ഷിക്കാനായി വാക്സീനുകള് എടുക്കേണ്ടതും അത്യാവശ്യമാണ്
ഡോക്ടര്മാരുടെ നിര്ദ്ദേശപ്രകാരമല്ലാതെ ആവശ്യമില്ലാത്ത മരുന്നുകള് വാങ്ങി കഴിക്കുന്നത് കരളിനെ മാത്രമല്ല ശരീരത്തെ മൊത്തത്തില് ബാധിക്കാം. പരമ്പരാഗത മരുന്നുകളും പച്ചമരുന്ന് കൂട്ടുകളുമൊക്കെ കഴിക്കുമ്പോഴും അവയുടെ പാര്ശ്വഫലങ്ങളെ കുറിച്ച് അറിഞ്ഞിരിക്കണം
കരളിനെയും ശരീരത്തെയും ശുദ്ധീകരിക്കാനെന്ന ലേബലില് പുറത്തിറങ്ങുന്ന നിരവധി ഡീറ്റോക്സ് ഡ്രിങ്കുകളുണ്ട്. ഇത്തരം ഡ്രിങ്കുകള് അകത്താക്കും മുന്പ് ഡോക്ടര്മാരുമായി ചര്ച്ച നടത്തേണ്ടതാണ്
പ്രമേഹം, ഉയര്ന്ന രക്തസമ്മര്ദം, ഉയര്ന്ന കൊളസ്ട്രോള് പോലുള്ളവ കരളിനും നാശം വരുത്താവുന്നതാണ്. ഇതിനാല് ഇവയെയും നിയന്ത്രണത്തില് നിര്ത്താന് ശ്രമിക്കണം
പുകവലിയും കരളിനെ ബാധിക്കാമെന്നതിനാല് ഇത്തരം ദുശ്ശീലങ്ങളും കഴിവതും അകറ്റി നിര്ത്തണം