പാമ്പിനെ നേരിൽ കണ്ടാൽ വിഷമുള്ളതാണോ അല്ലയോ എന്നു വിദഗ്ധ ഡോക്ടർക്കു തിരിച്ചറിയാൻ സാധിക്കും. അതല്ലാതെ പാമ്പിനെ കാണുന്നതുകൊണ്ട് ചികിത്സയിൽ പ്രത്യേകിച്ചു ഗുണമൊന്നുമില്ല
ആദ്യം ചെയ്യേണ്ടത് കടിയേറ്റയാളെ ആശ്വസിപ്പിച്ചിരുത്തുകയാണ്. നടക്കുകയോ ഓടുകയോ ചെയ്യാൻ അനുവദിക്കരുത്
അത്യാഹിത സന്ദർഭങ്ങളിൽ ശരീരത്തിലൂടെ അഡ്രിനാലിൻ ഹോർമോണിന്റെ കുത്തൊഴുക്കുണ്ടാകും. ഇത് ശരീരത്തിലെ ആകെ രക്തഓട്ടം വർധിപ്പിക്കും
കടിയേറ്റതിനു മുകളിലായി തുണി മുറുക്കിക്കെട്ടുന്നതും മുറിവുണ്ടാക്കി രക്തം വാർത്തുകളയുന്നതും ദോഷകരമായേക്കാം. പകരം ഇലാസ്റ്റിക് ബാൻഡേജ് കൊണ്ട് മുറിവിനു മുകളിലായി കെട്ടാം