കർക്കടകത്തിലെ ആയുർവേദ ചികിത്സയിൽ പ്രധാനപ്പെട്ട ഒന്നാണ് ഇലക്കിഴി
വിവിധതരം ആർത്രൈറ്റിസ്, സ്പോണ്ടിലൈറ്റിസ്, നടുവേദന, കായികപരിശീലത്തിനിടെ ഉണ്ടാകുന്ന പരിക്കുകൾ എന്നിവയ്ക്കും പ്രത്യേകിച്ച് സന്ധി വേദനകൾക്കും ഇലക്കിഴി വളരെ ഫലപ്രദമാണ്
വേപ്പെണ്ണ, ആവണ്ണക്കെണ്ണ, ഇന്തുപ്പ്, നാരങ്ങ, തേങ്ങ, ശതകുപ്പ പൊടി, മഞ്ഞൾപ്പൊടി, കോലകുലത്ഥം ചൂർണം, കിഴി ചെയ്യുന്നതിനാവശ്യമായ ഇലകൾ തുടങ്ങിയവയാണ വേണ്ട വസ്തുക്കൾ
കിഴി ഒരു രോഗിയിൽ ചെയ്യുന്നതിനു മുൻപും ശ്രദ്ധിക്കേണ്ട കാര്യങ്ങളുണ്ട്. ആദ്യം തലയിൽ തളം വയ്ക്കണം. നിമ്പാമൃതാദി ആവണക്കെണ്ണയും രാസ്നാദി പൊടിയും ചേർത്തുള്ള തളം വയ്ക്കാവുന്നതാണ്
കിഴിയുടെ ചൂട് തലയിലേക്ക് ഏൽക്കാതിരിക്കാനും തലനീരിറക്കം ഉണ്ടാകാതിരിക്കാനുമാണ് ആദ്യമേതന്നെ തളം വയ്ക്കുന്നത്. കഴുത്തു വേദന, തലവേദന തുടങ്ങിയവയിൽ നിന്ന് ആശ്വാസം ലഭിക്കാനും ഇതു സഹായിക്കും
ശേഷം ശിരോ അഭ്യംഗം അതായത് തലയിൽ എണ്ണ തേപ്പിക്കണം .തുടർന്ന് ദേഹം മുഴുവൻ എണ്ണ തേച്ച് മസാജ് ചെയ്യും
യുക്തമായ എണ്ണയിൽ മുക്കിയാണ് കിഴികുത്തുന്നത്. സന്ധികളിൽ റൗണ്ട് ചെയ്ത് റൊട്ടേഷൻ രീതിയിലാണ് കിഴി കുത്തേണ്ടത്. നട്ടെല്ലിന്റെ ഭാഗത്ത് കിഴികുത്തുമ്പോൾ ഒരുപാട് മർദം കൊടുക്കാൻ പാടില്ല
കർക്കടക മാസത്തിൽ മാത്രമേ കിഴി ചെയ്യാവൂ എന്നില്ല. രോഗാവസ്ഥയ്ക്കനുസരിച്ച് അനുയോജ്യമായ കിഴി ചികിത്സ ഏതു സമയത്തു വേണമെങ്കിലും വൈദ്യനിർദേശ പ്രകാരം ചെയ്യാവുന്നതാണ്