പല ഇടങ്ങളിലായി വരുന്ന തലവേദന പല തരം രോഗങ്ങളിലേക്കുള്ള ചൂണ്ടുപലകയാണ്
കണ്ണിലും കണ്ണിനു ചുറ്റിലുമായി വരുന്ന വേദന ക്ലസ്റ്റര് തലവേദനകളുടെ ലക്ഷണമാണ്. ഈ തലവേദന മൂന്ന് മണിക്കൂര് വരെയൊക്കെ നീണ്ടു നില്ക്കാം. പതിയെ കഴുത്തിലേക്കും കവിളിലേക്കും മൂക്കിലേക്കും ചെന്നിയിലേക്കും ഒരു വശത്തെ തോളിലേക്കുമൊക്കെ വേദന പരക്കാം
തലയുടെ മുന്ഭാഗത്തിനും മൂക്കിലെ എല്ലുകള്ക്കും കവിളുകള്ക്കും കണ്ണുകള്ക്കും പിന്നിലായി വരുന്ന തലവേദന പലപ്പോഴും സൈനസിലെ അണുബാധയായ സൈനസൈറ്റിസ് മൂലമോ മൈഗ്രേൻ മൂലമോ ആകാം
ടെന്ഷന് തലവേദനകളാണ് തലയുടെ ഉച്ചിഭാഗത്ത് വരാറുള്ളത്. മിതമായ തോതിലുള്ള തലവേദനകള് ഇതിന്റെ ഭാഗമായി ഇടയ്ക്കിടെ ഉണ്ടാകാം. എന്നാല് ചില കേസുകളില് ആഴ്ചയില് പലതവണ ഈ തലവേദന വന്നെന്ന് വരാം
കഴുത്തില് തുടങ്ങി തലയുടെ പിന്നിലേക്ക് പടരുന്ന തലവേദന മറ്റെന്തെങ്കിലും രോഗാവസ്ഥയുടെ ഭാഗമായി ഉണ്ടാകുന്ന സെര്വികോജെനിക് തലവേദനയാകാം. കഴുത്തിന് ചുറ്റും സമ്മര്ദമേകുന്ന ഈ തലവേദന പുരോഗമിച്ചാല് കഴുത്ത് അനക്കാന് പോലുമാകാത്ത സ്ഥിതിയാകും.