വർക്ക്ഔട്ട് തുടങ്ങുമ്പോൾ 94 കിലോ ആയിരുന്നു ശരീരഭാരം. രണ്ടു മാസം കൊണ്ട് 79 ആയി കുറഞ്ഞു.

ഗ്രൗണ്ട് എക്സർസൈസ് ആണ് കൂടുതൽ ചെയ്തത്. അറുപതു ദിവസം മുടങ്ങാതെ ചെയ്തു. എന്നും ഒരേ എക്സർസൈസ് ചെയ്യാതെ ദിവസവും മാറി പരീക്ഷിക്കും. ഒരു ദിവസം മൂന്നു മണിക്കൂറൊക്കെ വർക്ക് ഔട്ട് ചെയ്യാറുണ്ട്

റിസൾട്ട് ശരീരത്തിൽ പ്രകടമായി തുടങ്ങുമ്പോഴേക്കും പ്രചോദനം ആകും. വർക്ക്ഔട്ട് മോണിറ്റർ ചെയ്തിരുന്നത് ഭാര്യ വിദ്യയാണ്. ചെറുതായിട്ട് മടി പിടിച്ചു തുടങ്ങിയാൽ അവൾ മോട്ടിവേറ്റ് ചെയ്തുകൊണ്ടിരിക്കും

നന്നായി ആഹാരം കഴിക്കും. പ്രിയപ്പെട്ട വിഭവം കണ്ടാൽ പിന്നെ വിടില്ല. വെയ്റ്റ് കൂടാൻ അതൊരു കാരണമാണ്. ഡയറ്റിന് ഒരു പ്രാധാന്യവും കൊടുത്തിരുന്നില്ല

ഒരു പുതിയ സിനിമ എത്തിയപ്പോൾ ആ കഥാപാത്രം ചെയ്യണമെങ്കിൽ ഭാരം കുറയ്ക്കണമെന്നായി. അങ്ങനെയാണ് വെയ്റ്റ് കുറക്കാൻ തീരുമാനിച്ചത്

മഴവിൽ മനോരമ– അമ്മ ഷോയ്ക്ക് പോയപ്പോൾ പലരും എന്നെ കണ്ടിട്ട് തിരിച്ചറിഞ്ഞില്ല. ഞാൻ ആണെന്ന് മനസ്സിലായപ്പോൾ ആശ്ചര്യമായി. പലരും കണ്ടിട്ട് മിണ്ടാതെ പോയി. അപ്പോഴാണ് ഞാൻ അത്രമാത്രം മാറിപ്പോയെന്ന് മനസ്സിലായത്

ഫിറ്റ്നസ് എന്റെ ജീവിതത്തിന്റെ ഭാഗമായിക്കഴിഞ്ഞു, ഇനി എനിക്ക് നിർത്താൻ ഉദ്ദേശ്യമില്ല.