ജോലിയെ കുറിച്ചും ജോലി സ്ഥലത്തെ വ്യക്തികളെ കുറിച്ചും പൊതുവേ ലോകത്തിനെ കുറിച്ചും അശുഭവും വിഷാദാത്മകവുമായ ചിന്തകളാകും ഈ മാനസികാവസ്ഥയില് ഉണ്ടാകുക
ഉറക്കമില്ലായ്മ, ഉറക്കത്തിന്റെ നിലവാരം നഷ്ടമാകല്, ഉറങ്ങിയാലും പോകാത്ത ക്ഷീണം എന്നിവയെല്ലാം ബേണ് ഔട്ട് ലക്ഷണങ്ങളാണ്
രാത്രിയും പകലുമില്ലാതെ ജോലിയില് മുഴുകുന്നതിന്റെ ഭാഗമായി വയറുവേദന, തലവേദന എന്നിവയെല്ലാം പ്രത്യക്ഷപ്പെടാം
അമിത സമ്മര്ദം ശരീരത്തില് നീര്ക്കെട്ട് ഉണ്ടാക്കുകയും കോശങ്ങള്ക്ക് നാശം വരുത്തി പ്രതിരോധ ശേഷിയെ ബാധിക്കുകയും ചെയ്യാം
ബേണ് ഔട്ടിന്റെ ഭാഗമായി ഉറക്കം കുറയുന്നതും വിഷാദത്തില് അകപ്പെടുന്നതോടെ ഭക്ഷണശീലങ്ങള് താറുമാറാകുന്നത് ശരീരഭാരം വര്ധിപ്പിക്കാം
ചെയ്യുന്ന കാര്യങ്ങള്ക്ക് അഭിനന്ദനം ലഭിക്കുന്നില്ലെന്നും ഒരു മാറ്റവും ഉണ്ടാകുന്നില്ലെന്നും ബേണ് ഔട്ടായ വ്യക്തിക്ക് തോന്നുകയും മറ്റുള്ളവരില് നിന്ന് ഒറ്റപ്പെട്ട് നില്ക്കാനുള്ള പ്രവണത തോന്നുകയും ചെയ്യും
മനസ്സിന് സമ്മര്ദം കൂടുമ്പോൾ ശരീരത്തിലെ പേശികൾ വലിഞ്ഞു മുറുകി വേദനയും പരുക്കും ഏല്ക്കാം
ബേണ് ഔട്ടില് അകപ്പെട്ട പലരും ഇതില് നിന്ന് രക്ഷപ്പെടാന് മദ്യത്തിനും ലഹരിമരുന്നിനും അടിമയാകാറുണ്ട്.