50കൾ കഴിയുമ്പോഴേക്കും നാവിലെ രസമുകുളങ്ങൾ കുറയുന്നതിന്റെ വേഗത കൂടും. ഇത് രുചിക്കുറവ്, വിശപ്പില്ലായ്മ തുടങ്ങിയ പ്രശ്നങ്ങളിലേക്കു നയിക്കാം.

വിഷാദം ഉള്ളവരിലും വിശപ്പില്ലായ്മ ഉണ്ടാകാം എന്ന് ഓർമിക്കുക. വിവിധ തരത്തിലുള്ള ആഹാരങ്ങൾ ദിവസവും ഉൾപ്പെടുത്തുന്നതു വഴി ആഹാരത്തോടുള്ള വിരക്തി ഒരു പരിധിവരെ ഇല്ലാതാക്കാം.

നാരുകൾ അടങ്ങിയ ആഹാരം കൂടുതൽ ഉൾപ്പെടുത്തുക. മാത്രമല്ല ആഹാരം ചൂടാറാതെ കഴിക്കുന്നതും കുടുംബാംഗങ്ങൾ എല്ലാവരും ഒരുമിച്ചിരുന്നു ഭക്ഷണം കഴിക്കുന്നതും രുചിക്കുറവിനെ മറികടക്കാൻ സഹായിക്കും.

ചിലരിൽ വിശപ്പേറുന്ന സമയത്തിൽ മാറ്റം കാണാം. ഏറ്റവും വിശപ്പു തോന്നുന്ന സമയത്ത് ഭക്ഷണം കഴിക്കുന്നതും അരുചി കുറയാൻ സഹായിക്കും.

മോരും വെള്ളം, പലതരം സൂപ്പുകൾ തുടങ്ങിയവ ഇടയ്ക്കിടെ കുടിക്കുന്നത് വായ വരളാതിരിക്കാൻ നല്ലതാണ്