വിയർപ്പുനാറ്റം ഭയന്ന് മറ്റുള്ളവരുമായി അടുത്തിടപഴകാൻ പോലും മടിക്കുന്നവരുമുണ്ട്
ചർമത്തിലുള്ള ബാക്ടീരിയ വിയർപ്പിൽ പ്രവർത്തിച്ചു ദുർഗന്ധമുള്ള രാസപദാർഥങ്ങളുണ്ടാക്കുന്നതാണ് പ്രശ്നം കക്ഷത്തിലും ഗുഹ്യഭാഗങ്ങളിലും കാണുന്ന അപ്പോക്രൈൻ ഗ്രന്ഥികൾ ഉൽപാദിപ്പിക്കുന്ന ഫിറോമോണുകളും ദുർഗന്ധമുണ്ടാക്കാൻ കാരണമാകുന്നു.
വൃത്തിക്കുറവ്, ചില ഭക്ഷണപദാർഥങ്ങൾ. മദ്യപാനം, പ്രമേഹം, അമിതവണ്ണം, മടക്കുകളിലെ അണുബാധ എന്നിവയും കാരണമാകാം, കക്ഷത്തിലെ രോമങ്ങൾക്കിടയിൽ ബാക്ടീരിയ വളരാമെന്നുള്ളതിനാൽ രോമം കൃത്യമായ ഇടവേളകളിൽ നീക്കം ചെയ്യണം.
കരൾ, വൃക്ക രോഗങ്ങൾ, ചില മരുന്നുകൾ എന്നിവയും ആത്മവിശ്വാസം കെടുത്തുന്ന ഈ പ്രശ്നത്തിനു കാരണമാണ്.
വിയർപ്പു വലിച്ചെടുക്കാൻ ടാൽക്കം പൗഡറോ, അണുബാധയുള്ളവർ ആന്റിഫംഗൽ പൗഡറോ ഉപയോഗിക്കുക.
ആന്റിപേർസ്പിറന്റ് സ്പ്രേ, ആന്റി ബാക്ടീരിയൽ സോപ്പ്, ക്രീം എന്നിവയും ഗുണം ചെയ്യും. രണ്ടുനേരം കുളിക്കുന്നതും അയഞ്ഞ പരുത്തിവസ്ത്രങ്ങൾ ധരിക്കുന്നതും ഫലപ്രദമായിരിക്കും.