വർക്ക് ഔട്ടും ഡയറ്റും താരങ്ങൾക്കു മാത്രമുള്ളതല്ല എല്ലാവർക്കും പ്രധാനമാണെന്നു നടൻ ജയസൂര്യ

ജിമ്മിൽ പോകുമ്പോൾ എന്നെ പ്രചോദിപ്പിക്കുന്ന കാഴ്ച എനിക്കും ചുറ്റും നിന്നു വർക്ക് ഔട്ട് ചെയ്യുന്ന ആളുകളാണ്. അതിൽ സിനിമാ താരങ്ങൾ മാത്രമല്ല. സാധാരണക്കാരായ ഒട്ടേറെ പേരുണ്ട്

നന്നായി വർക്ക് ഔട്ട് ചെയ്യുക, ഭക്ഷണം ആവശ്യത്തിനു മാത്രം കഴിക്കുക എന്നതാണു പ്രധാനം. എണ്ണ, മധുരം, മൈദ എന്നിവ കുറയ്ക്കണം.

ഞാൻ മധുരം ഏതാണ്ടു പൂർണമായും ഉപേക്ഷിച്ചു. ചായയിൽ പോലും ഇടാറില്ല.രുചിക്കു വേണ്ടി കൂടുതൽ എണ്ണ ഉപയോഗിക്കാറില്ല. പുട്ടാണ് ഇഷ്ടഭക്ഷണം

ഭക്ഷണശീലങ്ങൾ, കാലാവസ്ഥ, ജോലി സാഹചര്യങ്ങൾ തുടങ്ങിയവയെല്ലാം ഡയറ്റിൽ പ്രധാനമാണ്. ഡയറ്റ് ചെയ്യുന്നുണ്ടെന്ന തോന്നൽ പോലും ഇല്ലാതെയുള്ള ഭക്ഷണക്രമം വേണം

എല്ലാം കഴിക്കുകയും എന്നാൽ ആവശ്യത്തിനു മാത്രം കഴിക്കുകയും ചെയ്യുന്നതാണു യഥാർഥ ഡയറ്റ് പ്ലാൻ

ഒരുപാടു ഭക്ഷണം കഴിക്കുക എന്നതു മലയാളികളുടെ ശീലമാണ്. അമിത ഭക്ഷണം വേണ്ട. എല്ലാം തള്ളാനുള്ള വേസ്റ്റ് ബാസ്കറ്റ് അല്ല വയർ എന്നോർക്കണം

സമയം തെറ്റി ഭക്ഷണം കഴിക്കുന്ന ശീലം ഒഴിവാക്കണം. എല്ലാ ദിവസവും ഒരു സമയത്തു കഴിക്കുന്നവർ വൈകി ഭക്ഷണം കഴിക്കേണ്ടി വരുമ്പോൾ അധികം കഴിക്കും

എന്നും ഭക്ഷണം കഴിക്കുന്ന സമയത്ത് അതിനു പറ്റാതെ വന്നാൽ അപ്പോൾ ചെറുതായെങ്കിലും കഴിക്കാൻ ശ്രദ്ധിച്ചാൽ പിന്നീടു കൂടുതൽ കഴിക്കുന്നതു മൂലമുള്ള പ്രശ്നം ഒഴിവാക്കാം