പുകവലി ഉപേക്ഷിക്കുന്നത് അല്‍സ്ഹൈമേഴ്സിന്‍റെ അപകടസാധ്യത മാത്രമല്ല ഹൃദ്രോഗത്തിന്‍റെയും പക്ഷാഘാതത്തിന്‍റെയും സാധ്യതകള്‍ കുറയ്ക്കും
മദ്യപാനം ഒഴിവാക്കുകയോ പരിമിതപ്പെടുത്തുകയോ ചെയ്യുന്നതു തലച്ചോറിന്‍റെ ആരോഗ്യത്തില്‍ പ്രധാനമാണ്. മദ്യപാനികള്‍ അളവ് കുയ്ക്കുകയും മദ്യപിക്കാതിരിക്കുന്ന ദിവസങ്ങളുടെ ദൈര്‍ഘ്യം വര്‍ധിപ്പിക്കാന്‍ ശ്രമിക്കുകയും ചെയ്യേണ്ടതാണ്
പച്ചക്കറികള്‍, പഴങ്ങള്‍, ഹോള്‍ ഗ്രെയ്നുകള്‍, ലീന്‍ പ്രോട്ടീന്‍, കൊഴുപ്പ് കുറഞ്ഞ പാല്‍ എന്നിവയെല്ലാം അടങ്ങിയ പോഷക സമ്പുഷ്ടമായ ഭക്ഷണക്രമവും മറവി രോഗത്തെ ചെറുക്കാന്‍ സഹായിക്കും
ആഴ്ചയില്‍ 150 മിനിറ്റെങ്കിലും കുറഞ്ഞത് വ്യായാമം ചെയ്യുന്നത് ശരീരത്തെ മാത്രമല്ല തലച്ചോറിനെയും സജീവമാക്കി നിര്‍ത്തും. ധാരണാ ശേഷി മെച്ചപ്പെടുത്താനും ഓര്‍മകളുടെ തലച്ചോറിലെ കേന്ദ്രമായ ഹിപ്പോക്യാംപസിനെ ഉദ്ദീപിപ്പിക്കാനും വ്യായാമം സഹായിക്കും
അല്‍സ്ഹൈമേഴ്സ് വരാനുള്ള സാധ്യതകള്‍ പ്രവചിക്കാന്‍ പല തരത്തിലുള്ള ആരോഗ്യ പരിശോധനകള്‍ സഹായിക്കും. ശാരീരിക ക്ഷമതയെ കുറിച്ചുള്ള സൂചനകള്‍ നല്‍കാനും ആരോഗ്യ പരിശോധനകള്‍ക്ക് കഴിയുന്നതാണ്