ചൂര, സാല്‍മണ്‍, ട്രൗട്ട് പോലുള്ള ഫാറ്റി ഫിഷുകള്‍ പ്രോട്ടീനും ഒപ്പം ഒമേഗ-3 ഫാറ്റി ആസിഡുകളും അടങ്ങിയതാണ്. വൃക്കരോഗികള്‍ കഴിക്കുന്ന മീനിലെ ഫോസ്ഫറസ്, പൊട്ടാസ്യം തോതിനെ കുറിച്ച് ശ്രദ്ധിക്കുന്നത് നന്നായിരിക്കും
പൊട്ടാസ്യവും സോഡിയവും കുറഞ്ഞ കാബേജില്‍ ഫൈബര്‍, വൈറ്റമിന്‍ സി, കെ എന്നിവ ധാരാളമായി അടങ്ങിയിരിക്കുന്നു. സാലഡിലും സാന്‍ഡ് വിച്ചിലുമെല്ലാം രുചിയും ഗുണവും വര്‍ധിപ്പിക്കാന്‍ കാബേജ് ചേര്‍ക്കാം
വിവിധ നിറങ്ങളില്‍ ലഭ്യമായ കാപ്സിക്കം വൈറ്റമിന്‍ ബി6, ബി9, സി, കെ, ഫൈബര്‍ എന്നിവയാല്‍ സമ്പന്നമാണ്. ആന്‍റി ഓക്സിഡന്‍റുകളും ഇവയില്‍ ധാരാളമായി അടങ്ങിയിരിക്കുന്നു. പൊട്ടാസ്യം തോത് കുറഞ്ഞതിനാല്‍ കാപ്സിക്കം വൃക്കകള്‍ക്ക് ഗുണപ്രദമാണ്
മൂത്രനാളിയിലെ അണുബാധകള്‍ ചിലപ്പോഴൊക്കെ വൃക്കകളിലെത്തി പ്രശ്നം സൃഷ്ടിക്കാറുണ്ട്. ആന്‍റി ഓക്സിഡന്‍റുകള്‍ അടങ്ങിയ ക്രാന്‍ബെറി ഈ സാഹചര്യം ഒഴിവാക്കുന്നു
ആന്‍റി ഓക്സിഡന്‍റുകള്‍, വൈറ്റമിന്‍ സി, ഫൈബര്‍ എന്നിവയെല്ലാം അടങ്ങിയ ബ്ലൂബെറി വൃക്കളെ സംരക്ഷിക്കുന്നു. അണുബാധയും നീര്‍ക്കെട്ടും കുറയ്ക്കാനും എല്ലുകളുടെ ആരോഗ്യത്തിനും ബ്ലൂബെറി നല്ലതാണ്
ചീര, കെയ്ല്‍ പോലുള്ള പച്ചിലകള്‍ പലതരം വൈറ്റമിനുകളും ധാതുക്കളും ശരീരത്തിന് നല്‍കുന്നു. പ്രതിരോധശേഷി മെച്ചപ്പെടുത്താനും ഇവ സഹായിക്കും. എന്നാല്‍ നല്ല തോതില്‍ പൊട്ടാസ്യം അടങ്ങിയിരിക്കുന്നതിനാല്‍ വൃക്കരോഗികള്‍ ഡ‍ോക്ടറുടെ ഉപദേശപ്രകാരം മാത്രമേ ഭക്ഷണക്രമത്തില്‍ ഉള്‍പ്പെടുത്താവുള്ളൂ
ആന്‍റിഓക്സിഡന്‍റുകള്‍, ആരോഗ്യകരമായ കൊഴുപ്പ് എന്നിവയെല്ലാം ഒലീവ് എണ്ണയിൽ അടങ്ങിയിട്ടുണ്ട് കൊളസ്ട്രോള്‍ തോത് കുറയ്ക്കാനും ഹൃദ്രോഗത്തിന്‍റെയും മറവിരോഗത്തിന്‍റെയും ചില തരം അര്‍ബുദങ്ങളുടെയും സാധ്യത ഇല്ലാതാക്കാനും സഹായിക്കുന്നു
വെളുത്തുള്ളിയില്‍ അടങ്ങിയിരിക്കുന്ന അല്ലിസിന്‍ വൃക്കകളുടെ ആരോഗ്യം സംരക്ഷിക്കാന്‍ സഹായിക്കുന്നു. ആന്‍റി ഓക്സിഡന്‍റ് ഗുണങ്ങളുള്ള വെളുത്തുള്ളി ശരീരത്തിലെ നീര്‍ക്കെട്ടും കുറയ്ക്കും
വൈറ്റമിന്‍ ബി6, സി, മാംഗനീസ്, കോപ്പര്‍ എന്നിവയെല്ലാം അടങ്ങിയ ഉള്ളി രുചിയും ഗുണവും ഒരേ സമയം വര്‍ധിപ്പിക്കുന്നു. ഇതില്‍ അടങ്ങിയിരിക്കുന്ന ക്വെര്‍സെറ്റിന്‍ ശരീരത്തെ അര്‍ബുദകോശങ്ങളില്‍ നിന്ന് സംരക്ഷിക്കുന്നു
വൈറ്റമിന്‍ സി, ബി6, ബി9, കെ, ഫൈബര്‍ എന്നിവയെല്ലാം അടങ്ങിയ കോളിഫ്ളവര്‍ ശരീരത്തിലെ വിഷവസ്തുക്കളെ നീര്‍വീര്യമാക്കാൻ സഹായിക്കുന്നു. പൊട്ടാസ്യവും ഫോസ്ഫറസും അടങ്ങിയിരിക്കുന്നതിനാല്‍ വൃക്കരോഗികള്‍ മിതമായ തോതില്‍ ഇവ കഴിക്കേണ്ടതാണ്
വൃക്കരോഗികള്‍ക്ക് പലപ്പോഴും ശുപാര്‍ശ ചെയ്യപ്പെടുന്ന ഒന്നാണ് മുട്ടയുടെ വെള്ള. ഡയാലിസിസിന് വിധേയരാകുന്നവര്‍ക്ക് ശരീരത്തിലെ പ്രോട്ടീന്‍ തോത് ഉയര്‍ത്താന്‍ മുട്ടയുടെ വെള്ള കഴിക്കാം
അര്‍ബുദത്തോട് പോരാടുന്ന ക്വെര്‍സെറ്റിനും ഫൈബറും അടങ്ങിയ ആപ്പിള്‍ കൊളസ്ട്രോളും രക്തത്തിലെ പഞ്ചസാരയും നിയന്ത്രിച്ച് നിര്‍ത്താൻ സഹായിക്കുന്നു. ആന്‍റി ഓക്സിഡന്‍റുകളും ആപ്പിളില്‍ ധാരാളം അടങ്ങിയിരിക്കുന്നു