അവശ്യപോഷണങ്ങളായ പ്രോട്ടീനും കാര്ബോഹൈഡ്രേറ്റും വൈറ്റമിനുകളും ധാതുക്കളുമെല്ലാം ഉള്പ്പെടുന്നതാകണം നമ്മുടെ ഭക്ഷണം. ആരോഗ്യകരമായ ഭക്ഷണത്തെ കുറിച്ച് ആയുര്വേദത്തില് പലകാര്യങ്ങളും പറയുന്നുണ്ട്. മൂന്ന് ഭക്ഷണവിഭവങ്ങള് ദിവസവും ഭക്ഷണത്തില് ഉള്പ്പെടുത്തണമെന്ന് ആയുര്വേദ വിദഗ്ധയായ ഡോ. വൈശാലി ശുക്ല നിര്ദ്ദേശിക്കുന്നു
അത്താഴത്തിന് ചോറ് കഴിക്കാം. ഉറങ്ങും മുന്പുതന്നെ ചോറ് ദഹിക്കുന്ന തരത്തില് രാത്രി കുറച്ച് നേരത്തെ കഴിക്കണമെന്നു മാത്രം. ചയാപചയത്തെ മെച്ചപ്പെടുത്താന് ഇത് സഹായിക്കും.
പോഷണങ്ങള് നിറഞ്ഞ ഭക്ഷണമാണ് ഈന്തപ്പഴം. ശരീരത്തിലെ അയണ് തോത് സാധാരണ തോതില് നിലനിര്ത്താനും പഞ്ചസാരയോടുള്ള ആസക്തിയും വിശപ്പും നിയന്ത്രിക്കാനും ഈന്തപ്പഴം സഹായിക്കും
സസ്യാഹാരികള്ക്ക് പ്രോട്ടീന്റെ സമ്പന്ന സ്രോതസ്സാണ് ചെറുപയര് പരിപ്പ്. മഗ്നീഷ്യം, പൊട്ടാസിയം, ഡയറ്ററി ഫൈബര് എന്നിങ്ങനെയുള്ള മൈക്രോ പോഷണങ്ങളും ഇതില് അടങ്ങിയിരിക്കുന്നു