രക്തത്തിലെ പഞ്ചസാരയുടെ സന്തുലനത്തെ ബാധിക്കുമെന്നതിനാല്‍ പ്രമേഹ രോഗികളെ സംബന്ധിച്ചിടത്തോളം പ്രഭാത ഭക്ഷണം വളരെ പ്രധാനപ്പെട്ടതാണ്
രാത്രിയിലാണ് കരള്‍ പഞ്ചസാരയെ വിഘടിപ്പിക്കുക എന്നതിനാല്‍ പല രോഗികള്‍ക്കും രാവിലെ പ്രമേഹ പ്രശ്നങ്ങള്‍ അനുഭവപ്പെടാറുണ്ട്.
കഴിക്കുന്ന പ്രഭാത ഭക്ഷണത്തിനനുസരിച്ച് പഞ്ചസാരയുടെ തോത് വര്‍ധിക്കുകയോ കുറയുകയോ ചെയ്യാം.
പ്രഭാത ഭക്ഷണത്തില്‍ നാരുകള്‍ ഉള്ള വിഭവങ്ങള്‍ ഉള്‍പ്പെടുത്താന്‍ ശ്രദ്ധിക്കേണ്ടതാണ്. ഇത് ഗ്ലൂക്കോസ് പ്രതികരണത്തിന്‍റെ തോത് മന്ദീഭവിപ്പിക്കും. ഗ്ലൂക്കോസ് സന്തുലനം നിലനിര്‍ത്താനും ഫൈബര്‍ ഭക്ഷണം സഹായകമാണ്.
ഒലീവ് ഓയില്‍, നട്സ്, അവോക്കാഡോ, തേങ്ങ, പാല്‍, വെണ്ണ എന്നിങ്ങനെ ആരോഗ്യകരമായ കൊഴുപ്പ് ചേര്‍ന്ന ഭക്ഷണക്രമവും പ്രമേഹ രോഗികള്‍ക്ക് പ്രഭാതത്തില്‍ പിന്തുടരാം. മീനുകളിലും മീനെണ്ണയിലും ചിയ വിത്തുകളിലും ഫ്ളാക്സ് വിത്തുകളിലും വാള്‍നട്ടുകളിലും അടങ്ങിയിരിക്കുന്ന ഒമേഗ-3 ഫാറ്റി ആസിഡുകളും ഭക്ഷണക്രമത്തില്‍ ഉള്‍പ്പെടുത്തുന്നത് നന്നായിരിക്കും.
മുട്ട, മീന്‍, ബീന്‍സ്, നട്സ് എന്നിവ ഉള്‍പ്പെടുന്ന ലീന്‍ പ്രോട്ടീന്‍ ഭക്ഷണക്രമവും പ്രമേഹ രോഗികള്‍ക്ക് നല്ലതാണ്. ഇവ രക്തത്തിലെ പഞ്ചസാരയെ നിയന്ത്രിക്കും.
തക്കാളി, സവാള, പച്ചിലകള്‍ എന്നിങ്ങനെ സ്റ്റാര്‍ച്ച് തോത് കുറഞ്ഞ പച്ചക്കറികളും പ്രമേഹ രോഗികള്‍ക്ക് പ്രഭാത ഭക്ഷണത്തില്‍ ഉള്‍പ്പെടുത്താവുന്നതാണ്.