ദഹനപ്രശ്‌നങ്ങള്‍, ഭാരവര്‍ധനവ്‌, ഉയര്‍ന്ന രക്തസമ്മര്‍ദ്ദം, രക്തത്തിലെ ഉയര്‍ന്ന പഞ്ചസാര എന്നിവയെല്ലാം സമ്മര്‍ദ്ദത്തിന്റെ ലക്ഷണങ്ങളാണ്‌.
കഴിക്കുന്ന ഭക്ഷണം ശരീരത്തിന്റെ ആരോഗ്യത്തെ മാത്രമല്ല മനസ്സിന്റെ ആരോഗ്യത്തെയും ബാധിക്കാറുണ്ട്‌.
നൈട്രിക്‌ ഓക്‌സൈഡ്‌ അമിത അളവില്‍ അടങ്ങിയ ബീറ്റ്‌റൂട്ട്‌ രക്തപ്രവാഹത്തെ സഹായിക്കുകയും രക്തസമ്മര്‍ദ്ദം നിയന്ത്രിക്കുകയും ചെയ്യുന്നു
ഓക്‌സിഡേറ്റീവ്‌ സ്‌ട്രെസ്സ്‌ കുറയ്‌ക്കാനും ധാരണശേഷി വര്‍ദ്ധിപ്പിക്കാനും ബ്ലൂബെറി സഹായിക്കും. തലച്ചോറിനെ സംരക്ഷിച്ച്‌ മൂഡ്‌ മെച്ചപ്പെടുത്താനും നല്ലത്.
മോണോസാച്ചുറേറ്റഡ്‌ കൊഴുപ്പിനാല്‍ സമ്പന്നമായ അവോക്കാഡോ തലച്ചോറിന്റെ ആരോഗ്യം മെച്ചപ്പെടുത്തുക മാത്രമല്ല സമ്മര്‍ദ്ദ ഹോര്‍മോണുകളെ നിയന്ത്രിക്കുകയും ചെയ്യും.
സമ്മര്‍ദ്ദമുണ്ടാകുമ്പോള്‍ ശരീരത്തില്‍ സംഭവിക്കുന്ന ഓക്‌സിഡേറ്റീവ്‌ ക്ഷയം പരിഹരിക്കാന്‍ മാതളനാരങ്ങ സഹായകമാണ്‌. വിഷാദരോഗം കുറയ്‌ക്കാനും ഈ പഴം സഹായിക്കും.