വിട്ടുമാറാത്ത ചുമയും തൊണ്ടയടപ്പും ലങ് കാൻസറിന്റെയോ തൊണ്ടയിലെ കാൻസറിന്റെയോ ലക്ഷണമാകാം. വിശദമായ പരിശോധനയും കൃത്യമായ രോഗ നിർണയവും ആവശ്യമാണ്.
സ്തനങ്ങളിലുണ്ടാകുന്ന മുഴ, വീക്കം, ചുവപ്പ്, മുലഞെട്ടിനുണ്ടാകുന്ന വ്യത്യാസം അവയിൽ നിന്നു വരുന്ന സ്രവങ്ങൾ എന്നിവ സ്തനാർബുദത്തിന്റെ ലക്ഷണങ്ങളാകാം
ആർത്തവ സമയത്ത് അല്ലാതെയുള്ള രക്തസ്രാവം ശ്രദ്ധിക്കണം. ആർത്തവ വിരാമ ശേഷമോ, ലൈംഗിക ബന്ധത്തിൽ ഏർപ്പെടുമ്പോഴോ ഉള്ള രക്തസ്രാവം ഗർഭാശയമുഖ കാൻസറിന്റെയോ അണ്ഡാശയ കാൻസറിന്റെയോ ലക്ഷണമാകാം
കഴുത്തിന് മുന്നിൽ വീക്കമോ നീരോ ഉണ്ടാവുകയും അവയുടെ വലുപ്പംകൂടുകയും നാല് ആഴ്ചലധികം ഈ വീക്കം തുടരുകയും ചെയ്യുന്നുവെങ്കിൽ തീർച്ചയായും വിദഗ്ധ പരിശോധന നടത്തണം. പലപ്പോഴും ഇത് തൈറോയിഡ് കാൻസറിന്റെ ലക്ഷണമാണ്.
ഭക്ഷണത്തിലോ വ്യായാമത്തിലോ മാറ്റം വരുത്താതെ തന്നെ അകാരണമായി ശരീരഭാരം കുറയുകയാണെങ്കിൽ അർബുദലക്ഷണമാകാം.
ചർമത്തിലെ മറുകുകളുടെ വലുപ്പം, ആകൃതി, നിറം എന്നിവ വ്യത്യാസപ്പെടുന്നുണ്ടെങ്കിൽ അത് സ്കിൻ കാൻസറിന്റെ ലക്ഷണമാകാം