വൈറ്റമിനുകളും ധാതുക്കളും ആന്റിഓക്സിഡന്റുകളും ധാരാളം അടങ്ങിയ പച്ചക്കറികൾ, ആരോഗ്യകരമായ ഭക്ഷണക്രമത്തിന്റെ അടിസ്ഥാനശിലകളാണ്. എന്നാൽ ചില പച്ചക്കറികൾ ചില ആളുകളിൽ ഇൻഫ്ലമേഷനു കാരണമാകും
എന്താണ് ഇൻഫ്ലമേഷൻ?പരിക്കുകളോടോ അണുബാധകളോടോ ഉള്ള ശരീരത്തിന്റെ പ്രതിരോധ തന്ത്രമാണ് ഇൻഫ്ലമേഷൻ അഥവാ വീക്കം. വളരെ കുറച്ചു കാലത്തേക്ക് ഉണ്ടാകുന്നതും സുഖപ്പെടുത്താവുന്നതുമാണ് അക്യൂട്ട് ഇൻഫ്ലമേഷൻ.
ദീർഘകാലം നിലനിൽക്കുന്നതും ക്രമേണ സന്ധിവാതം, ഹൃദ്രോഗം, പ്രമേഹം ഇവയ്ക്ക് കാരണമായിത്തീരാവുന്നതുമാണ് ക്രോണിക് ഇൻഫ്ലമേഷൻ. ഈ നീർക്കെട്ട് ഉണ്ടാകുന്നതിൽ ഭക്ഷണത്തിന് ഒരു പ്രധാന പങ്കുണ്ട്.
പ്രോസസ് ചെയ്ത പഞ്ചസാര, ട്രാൻസ്ഫാറ്റുകൾ, റിഫൈൻഡ് കാർബ്സ് ഇവയടങ്ങിയ ഭക്ഷണങ്ങൾ ഇൻഫ്ലമേഷനു കാരണമാകും. ചില പ്രത്യേക സംയുക്തങ്ങൾ അടങ്ങിയതിനാൽ പോഷകങ്ങൾ ധാരാളമുണ്ടെങ്കിലും ചില പച്ചക്കറികൾ ചില ആളുകളിൽ ഇൻഫ്ലമേഷനു കാരണമാകും. ഇത്തരത്തിൽ ഇൻഫ്ലമേഷൻ അഥവാ വീക്കം ഉണ്ടാക്കുന്ന പച്ചക്കറികൾ ഏതൊക്കെ എന്നറിയാം
തക്കാളിയിൽ സൊളാനിൻ, ലെക്റ്റിൻ എന്നിവയുണ്ട്. ഉദരപാളിയെ ഈ ആൽക്കലോയ്ഡുകൾ അസ്വസ്ഥപ്പെടുത്തുമെന്ന് ചില പഠനങ്ങൾ പറയുന്നു. ഇത് റുമറ്റോയ്ഡ് ആർത്രൈറ്റിസ് പോലുള്ള ഓട്ടോ ഇമ്മ്യൂൺ രോഗങ്ങൾ ഉള്ളവരില്‍ സന്ധിവേദന കൂട്ടും.
ഉരുളക്കിഴങ്ങിൽ, പ്രത്യേകിച്ച് മുള വന്ന പച്ചനിറത്തിലുള്ള ഉരുളക്കിഴങ്ങിൽ സൊളാനിൻ ഉണ്ട്. ഇവ വറുക്കുമ്പോൾ ഉദാഹരണമായി ഫ്രഞ്ച് ഫ്രൈസ് ആക്കുമ്പോൾ ഇവ അക്രിലാമൈഡ് എന്ന സംയുക്തം ഉൽപാദിപ്പിക്കുന്നു. ഇത് ഓക്സീകരണ സമ്മർദത്തിനു കാരണമാകുന്നു. ഗ്ലൈസെമിക് ഇൻഡക്സ് കൂടുതലായതും രക്തത്തിലെ പഞ്ചസാരയുടെ അളവ്കൂടുന്നതും ഇൻഫ്ലമേഷനുള്ള സാധ്യത വർധിപ്പിക്കും. വേവിച്ചോ ബേക്ക് ചെയ്തോ ഉരുളക്കിഴങ്ങ് ഉപയോഗിക്കാം. മുളച്ച ഉരുളക്കിഴങ്ങ് ഒഴിവാക്കുക.
ങ്ങവഴുതനങ്ങയിൽ സൊളാനിന്‍, ഹിസ്റ്റമിൻ ഇവയുണ്ട്. ഇത് ചിലരില്‍ ഇൻഫ്ലമേഷൻ സാധ്യത വർധിപ്പിക്കും. ഹിസ്റ്റമിൻ ഇൻടോളറൻസ് ഉള്ളവരിൽ തലവേദന, ചർമത്തിൽ ചുവന്ന പാടുകൾ ഇവ ഉണ്ടാക്കുന്നു. വഴുതനങ്ങയ്ക്കു പകരം കൂൺ, സുക്കിനി തുടങ്ങിയവ ഉപയോഗിക്കാം.
മുളക്മുളക്, കാപ്സിക്കം ഇവയിൽ കാപ് സെയ്സിൻ ഉണ്ട്. ഇത് ചിലരിൽ ദഹനപ്രശ്നങ്ങൾക്ക് കാരണമാകും. നൈറ്റ് ഷേഡഡ് ആൽക്കലോയ്ഡുകൾ ചിലരിൽ സന്ധിവാതത്തിന്റെ ലക്ഷണങ്ങൾ അധികരിക്കാൻ കാരണമാകും.
സവാളയിൽ ധാരാളം ഫെർമെന്റബിൾ കാർബ്സ് ഉണ്ട്. ഇവ ബ്ലോട്ടിങ്ങിനും ഉദരത്തിലെ ഇൻഫ്ലമേഷനും കാരണമാകും. സവാളയിൽ സൾഫൈറ്റ് ഉണ്ട്. ഇവ ഇറിറ്റബിൾ ബവൽ സിൻഡ്രോം ഉള്ളവരിൽ ഇൻഫ്ലമേഷനു കാരണമാകും.
ഉള്ളി പോലെ തന്നെ വെളുത്തുള്ളിയിലും FODMAP ധാരാളം ഉണ്ട്. പൂർണമായി ദഹിക്കാത്ത, ചെറുകുടൽ ആഗിരണം ചെയ്യാത്ത പഞ്ചസാര ആണിവ. പഴങ്ങൾ, പച്ചക്കറികള്‍, സെറീയൽസ്, പാലുൽപന്നങ്ങൾ, പയർവർഗങ്ങൾ, മധുരങ്ങൾ ഇവയിൽ എല്ലാം FODMAP ഉണ്ട്. ഇവ ദഹിക്കാത്തതിനാൽ ബ്ലോട്ടിങ്ങും വയറുവേദനയും ഉണ്ടാക്കും.
ചീരയിൽ ധാരാളം ഓക്സലേറ്റുകൾ ഉണ്ട്. ഇവ ക്രിസ്റ്റലൈസ് ചെയ്യപ്പെടുകയും വൃക്കയിൽ കല്ലിനു കാരണമാകുകയും ചെയ്യും. നേരിട്ട് ഇവ ഇൻഫ്ലമേഷനു കാരണമാകുന്നില്ലെങ്കിലും വൃക്കയിലുണ്ടാകുന്ന പ്രശ്നങ്ങൾ സിസ്റ്റമിക് ഇൻഫ്ലമേഷനിലേക്ക് നയിക്കും.
ഓക്സലേറ്റുകളുമായി ബന്ധപ്പെട്ട പ്രശ്നങ്ങൾ ഉള്ളവർ ചീര ഉപയോഗിക്കുമ്പോൾ ശ്രദ്ധിക്കുക. എന്നാൽ ചീരയുടെ ആന്റി ഇൻഫ്ലമേറ്ററി ഗുണങ്ങൾ ഈ അപകടസാധ്യതകളെ മറികടക്കും.
ചോളത്തിൽ ലെക്റ്റിനുകൾ ഉണ്ട്. ഇവ കൂടിയ അളവിൽ എത്തിയാൽ ഉദരഭിത്തിയുടെ പ്രവർത്തനത്തെ ബാധിക്കും. ചോളം അലർജിക്കു കാരണമാകുന്നതും സാധാരണമാണ്.
ഫംഗസ് ആയതിനാൽ തന്നെ കൂണിൽ പൂപ്പലും മൈക്കോടോക്സിനുകളും ഉണ്ട്. ഇവ പ്രതിരോധ പ്രതികരണങ്ങൾക്ക് കാരണമാകും. കൂണിൽ പ്യൂരിനുകളും ഉണ്ട്. ഇത് യൂറിക് ആസിഡിന്റെ അളവ് കൂട്ടും. കൂണ്‍ നന്നായി വേവിച്ചാൽ ഒരു പരിധിവരെ ദോഷങ്ങൾ അകറ്റും.