ഈ ലക്ഷണങ്ങൾ ഹൃദയാഘാതത്തിന്റെ സൂചനയാകാം; അവഗണിക്കരുത്!

ശരീരത്തിലെ ഏറ്റവും പ്രധാനപ്പെട്ട അവയവങ്ങളിലൊന്നാണ് ഹൃദയം. ഹൃദയത്തിനുണ്ടാകുന്ന ഏതു പ്രശ്നവും ഗുരുതരമായ പ്രത്യാഘാതങ്ങളുണ്ടാക്കും

നെഞ്ചിന് കനമോ മുറുക്കമോ നെഞ്ചെരിച്ചിലോ ഉണ്ടെങ്കിൽ അത് ഹൃദയപ്രശ്നങ്ങളുടെ സൂചനയാകാം. അസിഡിറ്റിയായോ ദഹനക്കേടായോ ഈ അസ്വസ്ഥതകളെ പലപ്പോഴും തെറ്റിദ്ധരിക്കാം

നെഞ്ചിന് വേദന ഇല്ലാതെ തന്നെ ശ്വാസമെടുക്കാൻ പ്രയാസം അനുഭവപ്പെടുന്നത് ഹൃദ്രോഗത്തിന്റെ ആദ്യ സൂചനയാകാം. പതിവുള്ള ജോലികൾ ചെയ്യുമ്പോഴോ വിശ്രമിക്കുമ്പോഴോ ശ്വസിക്കാൻ പ്രയാസം അനുഭവപ്പെടുന്നുണ്ടെങ്കിൽ അതിനെ അവഗണിക്കരുത്. ഹൃദയാഘാതം തടയാൻ വൈദ്യസഹായം തേടാം.

പലപ്പോഴും ‘നിശ്ശബ്ദ കൊലയാളി’ എന്നു വിളിക്കപ്പെടുന്ന ഉയർന്ന രക്തസമ്മർദം ഗുരുതരമാകും വരെ പലപ്പോഴും ശ്രദ്ധിക്കാതെ വിടാറാണ് പതിവ്. രക്തസമ്മർദം പതിവായി പരിശോധിക്കേണ്ടത് പ്രധാനമാണ്

ചീത്ത കൊളസ്ട്രോൾ അഥവാ എൽഡിഎൽ കൊളസ്ട്രോൾ ഉയരുന്നത് ഹൃദയധമനികളിൽ പ്ലേക്ക് രൂപപ്പെടാനും ഹൃദയത്തിലേക്കുള്ള രക്തപ്രവാഹം തടസ്സപ്പെടാനും കാരണമാകും. എല്ലാ ആറുമാസം കൂടുമ്പോഴും കൊളസ്ട്രോൾ പരിശോധിക്കണം.

വിശ്രമിച്ചാലും മാറാത്ത വിട്ടുമാറാത്ത ക്ഷീണം ഹൃദയം ശരിയായി പ്രവർത്തിക്കാത്തതിന്റെ സൂചനയാകാം. വിവിധ കാരണങ്ങൾ കൊണ്ട് ക്ഷീണം ഉണ്ടാകാം

140 ദശലക്ഷത്തിലധികം പേരെ ബാധിച്ച പ്രമേഹം ഇന്ത്യയിലെ ഒരു പ്രധാന പൊതുജനാരോഗ്യപ്രശ്നമാണ്. പ്രമേഹം ഹൃദ്രോഗസാധ്യത വർധിപ്പിക്കും

അമിതമായ ശരീരഭാരം ഹൃദയത്തിന് ആയാസമുണ്ടാക്കും. ഇത് ഉയർന്ന രക്തസമ്മർദം, പ്രമേഹം, ഉയർന്ന കൊളസ്ട്രോൾ എന്നിവയുമായും ബന്ധപ്പെട്ടിരിക്കുന്നു