ഭിത്തിയിൽ ഒട്ടിക്കാനുള്ള ടൈൽ, നിലത്ത് വിരിക്കാനുള്ള ടൈൽ എന്നിങ്ങനെയുള്ള വ്യത്യാസം ഇപ്പോഴില്ല.

ഭിത്തിയിൽ ഒട്ടിക്കാനുള്ള ടൈലുകൾക്ക് ചവിട്ടിയാൽ പൊട്ടിപ്പോകുന്നയത്ര കനം കുറവായിരുന്നു. സിമന്റ് വച്ച് ഒട്ടിക്കാനുള്ള സൗകര്യാർഥമാണ് ടൈലിനു കനം കുറവായിരുന്നത്. എന്നാൽ, വീര്യമേറിയ പശകൾ ഇന്ന് വിപണിയിലുണ്ട്.

ഏത് കനമുള്ള ടൈലിനെയും സീലിങ്ങിൽ വരെ പിടിച്ചു നിർത്താൻ ഇവയ്ക്കു സാധിക്കും. 6–12 എംഎം കനത്തിലാണ് ഇപ്പോഴത്തെ ടൈലുകൾ വിപണിയിൽ എത്തുന്നത്. ടൈലിന്റെ വലുപ്പം കൂടുംതോറും കനം കൂടും.

നിറങ്ങൾ തമ്മിൽ കൂട്ടിയിണക്കാം. എന്നാൽ ഏതെല്ലാം നിറങ്ങൾ തമ്മിൽ ചേർക്കാം എന്നത് വളരെ സൂക്ഷിച്ചു വേണം തിരഞ്ഞെടുക്കാൻ. എർത്തേണ്‍ ടോണിനൊപ്പം മറ്റൊരു എർത്തേൺ നിറമാണ് കൂടുതൽ യോജിക്കുക

നാച്വറൽ സ്റ്റോണോ സ്റ്റോണിന്റെ പാറ്റേണോ തിരഞ്ഞെടുക്കുമ്പോൾ അതിനൊപ്പം പ്രകൃതിദത്തമായ എന്തെങ്കിലും ഡിസൈനും നിറവും തന്നെ തിരഞ്ഞെടുക്കുക. സ്റ്റോണിനൊപ്പം തടി, ടെറാക്കോട്ട പോലുള്ളവ ചേരും. ടൈൽ, തടി ഇവയെല്ലാം ഡിസൈൻ അനുസരിച്ച് ഏതുതരം വീടുകളുടെ ഫ്ലോറിങ്ങിനും ചേരും.