ഒട്ടകവും കഴുതയും പെരുമ്പാമ്പും മുതൽ അരുമക്കിളികൾ വരെയുള്ള കോളജ് ക്യാംപസ്. ഒപ്പം കൃഷിയും.

വിദ്യാർഥികൾ ഒരുമിച്ച് മണ്ണിൽ പൊന്നു വിളയിക്കുന്നുവെന്നത് മറ്റൊരു പ്രത്യേകത. ‌

നാലര ലക്ഷം രൂപയ്ക്ക് അരുമകളെ വാങ്ങിയതായി ഇവിടുത്തെ കണക്കുകൾ കാണിക്കുന്നു. ഏറക്കുറെ എല്ലാം തന്നെ വാങ്ങിയതു വിദ്യാർഥികളുടെ ആവശ്യപ്രകാരവും.

ലീഡ്സ് ക്യാംപസിന്റെ ഒട്ടേറെ വ്യത്യസ്തതകളിൽ ഒന്നു മാത്രമാണിത്. കോളജിന്റെ നടത്തിപ്പ് വിദ്യാർഥികൾ ഏറ്റെടുത്തിരിക്കുന്നു.

ഏതാനും മാസം മുൻപ് 60,000 രൂപ നൽകി ബോൾ പൈത്തൺ ഇനത്തിൽപ്പെട്ട പെരുമ്പാമ്പിനെ വാങ്ങി. വാങ്ങുക മാത്രമല്ല, അവയെ വളർത്തുന്നതും വിദ്യാർഥികള്‍.

ഓന്തുവർഗത്തിൽപ്പെട്ട ഇഗ്വാനയാണ് മറ്റൊരു താരം.

കോളജിന് ഏറെ പൊതുജനശ്രദ്ധ നൽകിയ ഹോസ്റ്റലിനോടു ചേർന്നാണ് മുത്തു എന്ന ഒട്ടകത്തിന്റെ വാസം.

അരുമ മൃഗങ്ങൾ മാത്രമല്ല താറാവ്, നാടൻ കോഴി, പശു എന്നിവയും ഇവിടെയുണ്ട്.

ഒരു കൂടു നിറയെ അരുമപ്പക്ഷികൾ. വിവിധതരം കോന്യൂറുകളും ആഫ്രിക്കൻ ലവ് ബേർഡുകളും പ്രാവുകളും ഇക്കൂട്ടത്തിലുണ്ട്.

ഷുഗർ ഗ്ലൈഡർ എന്ന പറക്കുന്ന അണ്ണാനുമുണ്ട്.