രാജ്യത്തെ ആദ്യ ടെസ്റ്റ് ട്യൂബ് വെച്ചൂർ കിടാവിന് മാട്ടുപ്പെട്ടിയിൽ ജനനം.
കേരള കന്നുകാലി വികസന ബോർഡിന്റെ മാട്ടുപ്പെട്ടിയിലുള്ള ഫാമിൽ ഐവിഎഫ് (IN VITRO FERTILIZATION) സാങ്കേതികവിദ്യ ഉപയോഗിച്ചാണ് വെച്ചൂർ മൂരിക്കുട്ടി കഴിഞ്ഞ ദിവസം ജനിച്ചത്.
വെച്ചൂർ പശുവിന്റെ അണ്ഡാശയത്തിൽനിന്നു പുറത്തെടുത്ത അണ്ഡങ്ങളിൽനിന്ന് ഐവിഎഫിലൂടെ ലബോറട്ടറിയിൽ കൃത്രിമമായി ഭ്രൂണങ്ങളെ ഉൽപാദിപ്പിച്ചു.
ഉൽപാദിപ്പിച്ച ഭ്രൂണങ്ങളെ ദ്രവനൈട്രജനിൽ ഗാഢ ശീതീകരിച്ച് സൂക്ഷിച്ചു. ഇത്തരത്തിലൊരു ഭ്രൂണം സ്വീകരിച്ച് ഗർഭിണിയായ സങ്കരയിനം പശുവാണ് കഴിഞ്ഞ ദിവസം മൂരിക്കുട്ടിക്ക് ജന്മമേകിയത്.