നാച്യുറൽ ബ്യൂട്ടി ടിപ്സിന്റെ ആരാധികയാണ് താരസുന്ദരി പ്രിയങ്ക ചോപ്ര. തനിക്ക് പ്രിയപ്പെട്ട ബ്യൂട്ടി ടിപ്സ് സമൂഹമാധ്യമത്തിലൂടെ താരം പങ്കുവയ്ക്കാറുണ്ട്.
തലയോട്ടിയുടെ വരൾച്ച മാറ്റാനും താരൻ അകറ്റാനുമായി മുത്തശ്ശി പറഞ്ഞു നൽകിയ ഒരു സൗന്ദര്യക്കൂട്ടാണ് പ്രിയങ്ക ഉപയോഗിക്കുന്നത്.
മുട്ട, േതൻ, തൈര് എന്നിങ്ങനെ വീട്ടിൽ ലഭ്യമായ വസ്തുക്കൾ ഉപയോഗിച്ച് വളരെ എളുപ്പം ഉണ്ടാക്കാം എന്നതാണ് ഈ ഹെയർപാക്കിന്റെ പ്രത്യേകത.
ഒരു സ്പൂൺ കട്ടതൈര്, ഒരു സ്പൂൺ തേൻ, ഒരു മുട്ട എന്നിവ ഒരു ബൗളിലെടുത്ത് നന്നായി മിക്സ് ചെയ്യുക.
ഈ മിശ്രിതം 30 മിനിറ്റ് തലയിൽ സൂക്ഷിക്കുക. ശേഷം വീര്യം കുറഞ്ഞ ഷാംപൂ ഉപയോഗിച്ച് ചെറു ചൂടുവെള്ളത്തിൽ കഴുകി കളയാം.
കൃത്യമായ ഇടവേളകളിൽ താൻ ഇത് ഉപയോഗിക്കാറുണ്ടെന്നും മികച്ച ഫലമാണ് തനിക്ക് ലഭിക്കുന്നതെന്നും പ്രിയങ്ക പറയുന്നു.