മുടിയിൽ നര വീഴുന്നത് ആശങ്കയോടെയാണ് പലരും കാണുന്നത്. അത് തടയാനാകില്ല.

എന്നാൽ നരയുടെ വേഗം കുറയ്ക്കാനും മുടിയുടെ കറുപ്പഴക് സംരക്ഷിക്കാനുമാകും.

അതിനായി വീട്ടിലിരുന്ന് ചെയ്യാവുന്ന ചില സൂത്രങ്ങളുണ്ട്. അവയിൽ ചിലത് ഇതാ.

ചിരട്ട കനലിൽ മൈലാഞ്ചി ഇല വിതറുക. ഈ കരിഞ്ഞ ഇലയും ചിരട്ടക്കരിയും പൊടിച്ചെടുത്തത് ഉപയോഗിച്ച് എണ്ണ കാച്ചി ഉപയോഗിക്കാം.

കുളിക്കുന്നതിനു മുമ്പ് കടുക്കയും മൈലാഞ്ചിയും അരച്ച് മുടിയിൽ പുരട്ടുക. മുടിയുടെ കരുത്ത് കൂട്ടാനും കറുപ്പ് നിറമേകാനും ഇതു നല്ലതാണ്.

കഞ്ഞിവെള്ളം ഉപയോഗിച്ച് തല കഴുകുന്നത് അഴുക്കും താരനും അകറ്റാൻ സഹായിക്കും.