സ്കിന്നി ഫിറ്റ് ജീൻസിനെ പുറത്താക്കി ബാഗി ജീൻസും ടോപും ഡ്രസും ഇടംപിടിച്ചു കഴിഞ്ഞു ഫാഷൻ അരങ്ങിൽ
റോഡിലായാലും ഫാഷൻ വേദിയിലായാലും ബാഗി ഫിറ്റ് വസ്ത്രങ്ങളാണിപ്പോൾ താരം.
ഫ്രീ–സൈസ് വസ്ത്ര ഡിസൈനുകൾക്കാണ് ഇപ്പോൾ ഡിമാൻഡ്.
ശരീരത്തിന്റെ വലുപ്പച്ചെറുപ്പത്തിന്റെ പേരിലുള്ള കളിയാക്കലുകൾക്ക് എതിരായ സാമൂഹിക ഇടപെടലുകൾ ഫാഷൻരംഗത്തും പ്രതിഫലിച്ചിട്ടുണ്ട്.
വലുപ്പ വ്യത്യാസമില്ലാതെ എല്ലാവർക്കും ഒരേ സൈസിൽ ധരിക്കാവുന്ന വസ്ത്രങ്ങൾ നൽകുന്ന സ്വാതന്ത്ര്യവും സൗകര്യവും ഇഷ്ടപ്പെടുന്നവരാണേറെയും.
റിലാക്സ്ഡ് ഫിറ്റ് പാന്റുകൾ, കാർഗോസ്, പാരഷ്യൂട്ട് പാന്റ്സ് എന്നിവയെല്ലാം ബാഗി ട്രെ‍ൻഡിനു ചുവടു പിടിച്ചു രംഗത്തെത്തി.
സ്‌ലിം ഫിറ്റ് വസ്ത്രങ്ങൾ മടക്കിവച്ചു ബാഗിയാകാൻ ഒരുങ്ങുന്നവർക്ക് തിരഞ്ഞെടുക്കാനും പരീക്ഷിക്കാനും പുതുമകളേറെ.