ഓരോ ദിവസവും ചൂട് കൂടിക്കൂടി വരുകയാണ്. ഒന്നു പുറത്തിറങ്ങിയാൽ വിയർത്തു കുളിക്കുമെന്നുറപ്പാണ്

അമിത വിയർപ്പ് മൂലമുള്ള ദുർഗന്ധം പലപ്പോഴും സഹിക്കാൻ പറ്റില്ല. എന്നാൽ ഈ പ്രശ്നം ഒരുപരിധി വരെ നമുക്ക് തന്നെ കുറയ്ക്കാനാകും. അതിന് ചില കാര്യങ്ങൾ ശ്രദ്ധിച്ചാൽ മാത്രം മതി.

തണുത്ത വെള്ളത്തിൽ കുളിക്കാം

ചൂടുകാലത്ത് തണുത്ത വെള്ളത്തിൽ കുളിക്കുന്നതാണ് ഏറ്റവും അനുയോജ്യം. രാവിലെയും വൈകീട്ടും കുളിക്കാൻ ശ്രമിക്കാം.

ഭക്ഷണത്തിലും ശ്രദ്ധവേണം

വേനൽക്കാലത്ത് ഭക്ഷണത്തിലും ഏറെ ശ്രദ്ധവേണം. ശരീരത്തിന് തണുപ്പ് ലഭിക്കുന്ന ഭക്ഷണങ്ങൾ വേണം എപ്പോഴും തിരഞ്ഞെടുക്കാൻ.

അയഞ്ഞ വസ്ത്രം ധരിക്കാം

ഇറുകിയ വസ്ത്രങ്ങൾ വേനൽകാലത്ത് ഉപയോഗിക്കാതിരിക്കാൻ ശ്രമിക്കുക. ഒപ്പം ചൂടിനെ പ്രതിരോധിക്കുകയും വിയർപ്പ് വലിച്ചെടുക്കുകയും ചെയ്യുന്ന വസ്ത്രങ്ങൾ തിരഞ്ഞെടുക്കാൻ ശ്രമിക്കാം.

ഐസ് വാട്ടർ സ്പ്രേ

വേനൽകാലത്ത് വിയർക്കാതിരിക്കാനും ഫ്രഷ്നെസ് തോന്നിക്കാനുമായി ഐസ് വാട്ടർ സ്പ്രേ ഉപയോഗിക്കാം. വീട്ടിൽ നിന്ന് പുറത്തിറങ്ങുമ്പോൾ ഒരു ബോട്ടിലിൽ ഐസ് വെള്ളം കരുതാം.