പോഷക ബാല്യം പദ്ധതിയുടെ ഭാഗമായി അങ്കണവാടികളിൽ കുരുന്നുകൾക്കു ആഴ്ചയിൽ രണ്ടു ദിവസം മുട്ടയും രണ്ടു ദിവസം പാലും.
പദ്ധതിയുടെ സംസ്ഥാന തല ഉദ്ഘാടനം മുഖ്യമന്ത്രി പിണറായി വിജയൻ നിർവഹിച്ചു.
കുട്ടികൾക്ക് പാലും മുട്ടയും നൽകിയാണ് ഉദ്ഘാടനം നിർവഹിച്ചത്.
കുട്ടികൾക്കു നൽകുന്ന പാലിൽ ലാഭം നോക്കരുതെന്നും തദ്ദേശ സ്വയംഭരണ സ്ഥാപനങ്ങളോടും മിൽമയോടും സഹായം അഭ്യർഥിക്കാമെന്നും മുഖ്യമന്ത്രി പറഞ്ഞു.
പരിശ്രമിച്ചാൽ അങ്കണവാടികൾ പ്രവർത്തിക്കാത്ത ദിവസങ്ങളിലും വീടുകളിൽ പോയി മുട്ടയും പാലും നൽകാൻ കഴിയുമെന്നും മുഖ്യമന്ത്രി പറഞ്ഞു.