വേദിയിൽ പാട്ട് പാടുന്നതിനിടെ കാൽ വഴുതി വീണ് പോപ് ഗായകനും നടി പ്രിയങ്ക ചോപ്രയുടെ ഭർത്താവുമായ നിക് ജൊനാസ്
ബോസ്റ്റണിൽ നടന്ന ജൊനാസ് ബ്രദേഴിസിന്റെ സംഗീത പരിപാടിക്കിടെയായിരുന്നു സംഭവം.
ഇതിന്റെ വിഡിയോ ഇപ്പോൾ സമൂഹമാധ്യമങ്ങളിൽ വ്യാപകമായി പ്രചരിക്കുകയാണ്.
പാട്ട് പാടിക്കൊണ്ട് ആരാധകരുമായി സംവദിക്കാൻ വേദിയുടെ അരികിലെക്കെത്തിയതായിരുന്നു നിക് ജൊനാസ്.ആശയവിനിമയം നടത്തിയ ശേഷം പിന്നോട്ട് നീങ്ങുന്നതിനിടെ കാൽ വഴുതി നിലത്തു വീണു.
ഉടൻ തന്നെ ഗായകൻ എഴുന്നേൽക്കുകയും സംഗീതപരിപാടി തുടരുകയും ചെയ്തു.നിക്കിന്റെ സഹോദരങ്ങളായ ജോ ജൊനാസും കെവിൻ ജൊനാസും വേദിയിൽ തന്നെ ഉണ്ടായിരുന്നു.
നിക്കിന് പരുക്കുകളില്ലെന്നുറപ്പാക്കിയ ശേഷമാണ് ഇരുവരും സംഗീതപരിപാടി തുടർന്നത്.
നിക്കിനു പരുക്കുകൾ ഇല്ലെന്നാണ് അടുത്ത വൃത്തങ്ങൾ നൽകുന്ന സൂചന.