ക്ലാസ്മേറ്റ്സ് എന്ന സിനിമയിലെ ‘കാത്തിരുന്ന പെണ്ണല്ലേ’ എന്ന ഗാനത്തിനിടയിലെ "മനോഹരി രാധേ രാധേ" എന്ന വരികളാണ് ഇപ്പോൾ സമൂഹമാധ്യമങ്ങളിൽ വൈറൽ.
ദുബായിൽ ജോലി ചെയ്യുന്ന നവീൻ, പ്രവീൺ, കണ്ണൻ, ശ്രീദർശ് തുടങ്ങി ഒരുകൂട്ടം കലാകാരന്മാരുടെ നന്ദഗോവിന്ദം ഭജൻസ് എന്ന ഭജന കൂട്ടായ്മയാണ് ഈ വൈറൽ ഗാനത്തിനു പിന്നിൽ.
ട്രഡീഷനൽ ഭക്തി ഗാനങ്ങളും സോപാന സംഗീതവും സിനിമാഗാനങ്ങളും ചേർത്ത് ഒരു പുതിയ സംഗീത രൂപത്തിനു തന്നെ തുടക്കം കുറിച്ചിരിക്കുകയാണ് ഈ ചെറുപ്പക്കാർ.
ദുബായിലും കേരളത്തിലും പ്രവർത്തിക്കുന്ന നന്ദഗോവിന്ദം ഭജൻസിന് ഇപ്പോൾ സമൂഹമാധ്യമങ്ങളിൽ ഏറെ ആരാധകരുണ്ട്.
ദുബായിൽ നിന്ന് അവധിക്ക് കേരളത്തിലെത്തിയ പ്രവീണും സംഘവും ഒരു ക്ഷേത്രത്തിൽ പാടിയ "മനോഹരി രാധേ രാധേ" എന്ന ഭജൻ ആണ് ആദ്യമായി പുറത്തുവന്നത്.