ഗായിക സയനോരയുടെ ഗ്ലാമറസ് ലുക്ക് ആണ് ആരാധകർക്കിടയിൽ ചർച്ചയാകുന്നത്
പീകോക്ക് ബ്ലൂ നിറത്തിലുള്ള വൺ ഷോൾഡർ സാറ്റിൻ മിനി ഡ്രെസ്സ് ആണ് ഗായിക ധരിച്ചിരിക്കുന്നത്. ആഭരണങ്ങളൊന്നും തന്നെ അണിഞ്ഞിട്ടില്ല.
സംഗീത പരിപാടിക്കായി വേദിയിൽ കയറുന്നതിനു തൊട്ടുമുൻപുള്ള ചിത്രങ്ങളാണിതെന്നു കുറിച്ചുകൊണ്ട് സയനോര തന്നെയാണ് പുത്തൻ ലുക്ക് ആരാധകരുമായി പങ്കുവച്ചത്.
ചിത്രങ്ങൾ കോർത്തിണക്കി വിഡിയോ ആയാണ് സയനോര പോസ്റ്റ് ചെയ്തത്. സയനോരയുടെ ഗ്ലാമറസ് ചിത്രങ്ങൾ ഇതിനകം ആരാധകര്‍ക്കിടയിൽ ചര്‍ച്ചയായിക്കഴിഞ്ഞു.
കടവന്ത്ര രാജീവ് ഗാന്ധി ഇൻഡോർ സ്റ്റേഡിയത്തിൽ ഡിസംബർ 2ന് നടന്ന ‘ഒരേ നിലാ’ സംഗീതോത്സവത്തിൽ പങ്കെടുക്കാനാണ് സയനോര ഗ്ലാമർ ലുക്കിൽ എത്തിയത്.
നിഷ റോസ്, സുമി എലിസബത്ത് എന്നിവര്‍ നേതൃത്വം നൽകുന്ന റിഥം ഓഫ് ഫ്യൂഷൻ ആണ് പരിപാടി സംഘടിപ്പിച്ചത്.
സയനോരയെക്കൂടാതെ മൃദുല വാരിയർ, ഇഷാൻ ദേവ്, നിഖിൽ മാത്യു എന്നിവരും ‘ഒരേ നിലാ’യിൽ പാടാനെത്തിയിരുന്നു.