ഗ്രാമി പുരസ്കാര ശിൽപത്തിൽ ചുണ്ടമർത്തിയപ്പോൾ മൈലി റേ സൈറസ് ഉള്ളിൽ കരയുകയായിരുന്നു

ആ ശിൽപം നെഞ്ചോടുചേർത്ത് ഇടയ്ക്കിടെ അതിലേക്കു നോക്കുമ്പോൾ ആനന്ദാശ്രു അവളുടെ കാഴ്ച മറച്ചുകൊണ്ടേയിരുന്നു, ചുണ്ടുകൾ മെല്ലെ വിറച്ചു. കരിയറിലെ ആദ്യ ഗ്രാമി നേടിയതിന്റെ അടങ്ങാത്ത ആവേശവും അഭിമാനവും അവളുടെ ഉള്ളിൽ പെരുമ്പറ മുഴക്കിയിരിക്കണം.

അത്രനാൾ ഇരുണ്ടുകൂടിയ നിരാശയുടെ മേഘങ്ങൾ ഘനീഭവിച്ച് നേട്ടത്തിന്റെ നെറുകയിൽ മഴയായി പെയ്തു.

സംഗീതസപര്യ ഒന്നര പതിറ്റാണ്ട് പിന്നിടുമ്പോഴാണ് മൈലി എന്ന 31കാരി പോപ് താരം സ്വന്തം പേരിനൊപ്പം ‘ഗ്രാമി വിന്നർ’ എന്നെഴുതി ചേർത്തത്.

‘ഫ്ലവേഴ്സ്’ എന്ന ആൽബത്തിലൂടെയാണ് അവൾ കരിയറിലെ ആദ്യ ഗ്രാമി സ്വന്തമാക്കിയത്.

റെക്കോർഡ് ഓഫ് ദ് ഇയർ, മികച്ച പോപ് സോളോ പെർഫോമൻസ് എന്നീ വിഭാഗങ്ങളിലാണ് മൈലിയുടെ ഗ്രാമി നേട്ടം