2006–11 കാലയളവിൽ കേരളത്തിലെ ആഭ്യന്തര, വിനോദസഞ്ചാര വകുപ്പുകളുടെ ചുമതലയുള്ള മന്ത്രി.

2001 ലും 2011 ലും നിയമസഭയിൽ പ്രതിപക്ഷ ഉപനേതാവ്.

തലശേരിയിൽനിന്ന് അഞ്ചു തവണ (1982, 1987, 2001, 2006, 2011) നിയമസഭാംഗം.

കണ്ണൂർ കല്ലറ തലായി എൽപി സ്കൂൾ അധ്യാപകനായിരുന്ന കോടിയേരി മൊട്ടുമ്മൽ കുഞ്ഞുണ്ണിക്കുറുപ്പിന്റെയും നാരായണി അമ്മയുടെയും മകനായി 1953 നവംബർ 16 ന് ജനനം.

വിദ്യാർഥിയായിരിക്കെ ഇന്നത്തെ എസ്എഫ്ഐയുടെ ആദ്യരൂപമായ കെഎസ്എഫിന്റെ യൂണിറ്റ് സ്കൂളിൽ ആരംഭിച്ച് അതിന്റെ സെക്രട്ടറിയായി രാഷ്ട്രീയ പ്രവർത്തനം തുടങ്ങി.

രാഷ്ട്രീയചൂരിൽ ത്രസിക്കുന്ന കണ്ണൂർ തട്ടകത്തിൽനിന്ന് നാടിന്റെ പേരു തന്നെ സ്വന്തം പേരിന്റെ പര്യായമാക്കിയ രാഷ്ട്രീയവളർച്ച.

1970 ല്‍ കമ്യൂണിസ്റ്റ് പാര്‍ട്ടിയില്‍ അംഗം. 1973 ൽ കോടിയേരി സിപിഎം ലോക്കൽ കമ്മിറ്റി സെക്രട്ടറി. 1990 മുതൽ 95 വരെ സിപിഎം കണ്ണൂർ ജില്ലാ സെക്രട്ടറി.

2008 ൽ പൊളിറ്റ് ബ്യൂറോ അംഗം. 2015 ൽ സിപിഎം സംസ്ഥാന സെക്രട്ടറി. തുടർച്ചയായി മൂന്നു തവണ സിപിഎം സംസ്ഥാന സെക്രട്ടറി.

സിപിഎം നേതാവും തലശേരി മുൻ എംഎൽഎയുമായ എം.വി. രാജഗോപാലിന്റെ മകൾ എസ്.ആർ. വിനോദിനിയാണ് ഭാര്യ.

ബിനോയ്, ബിനീഷ് എന്നിവർ മക്കൾ. മരുമക്കൾ: ഡോ. അഖില, റിനീറ്റ.