ഗുജറാത്ത് നിയമസഭാ തിരഞ്ഞെടുപ്പിൽ ജാംനഗർ നോർത്തിൽനിന്നുള്ള ബിജെപി സ്ഥാനാർഥിയാണ് ക്രിക്കറ്റ് താരം രവീന്ദ്ര ജഡേജയുടെ ഭാര്യയായ റിവാബ ജഡേജ.
മെക്കാനിക്കല് എന്ജിനീയറിങ് ബിരുദധാരിയായ റിവാബ, 2016ല് രവീന്ദ്ര ജഡേജയെ വിവാഹം കഴിക്കുന്നതുവരെ റിവ സോളങ്കി എന്നാണ് അറിയപ്പെട്ടിരുന്നത്.
കോണ്ഗ്രസ് നേതാവ് ഹരി സിങ് സോളങ്കിയുടെ അനന്തരവളായ റിവാബ, 2018 ഒക്ടോബറില് കര്ണി സേനയില് ചേര്ന്നുെകാണ്ടാണ് രാഷ്ട്രീയ പ്രവേശനം നടത്തിയത്. 2019 മാര്ച്ചിൽ ബിജെപിയിൽ ചേർന്നു.
ജാംനഗര് നോര്ത്ത് മണ്ഡലത്തില് നിലവിലെ ബിജെപി എംഎല്എ ധര്മേന്ദ്രസിങ് എം.ജഡേജയെ ഒഴിവാക്കിയാണ് റിവാബയ്ക്ക് സ്ഥാനാർഥിത്വം നൽകിയത്.
ഗുജറാത്തില് ‘കോടിപതി’ ലിസ്റ്റില് ഉള്പ്പെട്ട സ്ഥാനാര്ഥികളില് ഒരാള് കൂടിയാണ് റിവാബ. തിരഞ്ഞെടുപ്പ് കമ്മിഷന് നല്കിയ സത്യവാങ്മൂലം പ്രകാരം ഭര്ത്താവിന്റേതുള്പ്പെടെ 97.25 കോടി രൂപയാണ് റിവാബ ജഡേജയുടെ ആകെ ആസ്തി.