നിറം വർധിപ്പിക്കാനും ചർമത്തിലെ ചുളിവുകൾ മാറ്റാനും ശരീരഭാരം കുറയ്ക്കാനുമെല്ലാമുള്ള ഒരു മിറാക്കിൾ ഡ്രിങ്ക്. അതാണ് എബിസി ജ്യൂസ്.
എളുപ്പത്തിൽ വളരെ വേഗം തയാറാക്കാമെന്നതാണ് ഇതിന്റെ മെച്ചും. വ്യത്യസ്തമായ ഒരു ഹെൽത്തി, കോംപിനേഷൻ ജ്യൂസ് ആയതിനാൽ ഇതിന് ഗുണങ്ങൾ ഒരുപാടുണ്ട്.
ആപ്പിൾ, ബീറ്റ്റൂട്ട്, കാരറ്റ് ഇതാണ് ആ മാന്ത്രികക്കൂട്ട്. ഈ മൂന്നു ചേരുവകളിൽ അടങ്ങിയ വൈറ്റമിനുകളും നാരുകളും ആന്റിഓക്സിഡന്റുകളുമാണ് ഇതിനെ വേറിട്ടുനിർത്തുന്നത്.
കോശങ്ങളെ പുനരുജ്ജീവിപ്പിക്കുന്നതിനൊപ്പം ശരീരത്തിലെ വിഷാംശങ്ങൾ പുറംതള്ളുന്നതിനും രക്തസമ്മർദം കുറയ്ക്കുന്നതിനും രോഗപ്രതിരോധ ശേഷി കൂട്ടുന്നതിനുമുള്ള ഈ മിറാക്കിൾ ജ്യൂസിന്റെ മിടുക്ക് അപാരമാണ്.
തൊലികളഞ്ഞ ആപ്പിൾ - 1 പകുതി ബീറ്റ്റൂട്ട് 1 കാരറ്റ് (തീരെ ചെറുതല്ലാത്തത്) ഒരു കപ്പ് വെള്ളം മധുരത്തിന് അനുസരിച്ച് തേൻ ഇവയെല്ലാം ജ്യൂസറിലോ ബ്ലെൻഡറിലോ അടിച്ചെടുക്കുക. അരിക്കാതെ ഉപയോഗിക്കുക.