ആദ്യം ഉള്ളി എടുത്ത് അതിന്‍റെ മുകള്‍വശവും താഴ്ഭാഗവും ചെത്തിക്കളയുക. തൊലി കളഞ്ഞ് വൃത്തിയാക്കുക..
സവാള രണ്ട് ഭാഗങ്ങളായി മുറിച്ച് ഒരേ കനത്തില്‍ അരിഞ്ഞെടുക്കുക. ഇതിനായി കത്തിയോ ഗ്രേറ്ററോ ഉപയോഗിക്കാം.
ഒരു പാനില്‍ എണ്ണ ചൂടാക്കി അതിലേക്ക് ഈ സവാള കുറച്ചുകുറച്ചായി ഇടുക. എണ്ണ നന്നായി ചൂടായ ശേഷം മാത്രമേ അതിലേക്ക് ഉള്ളി ഇടാവൂ.
ഉള്ളി കൂടുതല്‍ എണ്ണ കുടിക്കും. ഉള്ളി ഇട്ട ശേഷം മീഡിയം അല്ലെങ്കില്‍ ഹൈ ഫ്ലെയിമില്‍ മാത്രം ഉള്ളി പൊരിക്കുക.
ഉള്ളി കഷ്ണങ്ങൾ ബ്രൗൺ നിറമാകാൻ തുടങ്ങുമ്പോൾ, എല്ലാ കഷ്ണങ്ങളും തുല്യമായി ബ്രൗൺ നിറമാകുന്ന തരത്തിൽ ഇളക്കുക.
ഉള്ളി ഇളം സ്വര്‍ണ്ണനിറമാകുമ്പോള്‍ തന്നെ അടുപ്പത്ത് നിന്നും കോരിയെടുത്ത് ഒരു പേപ്പര്‍ ടവ്വലില്‍ തുല്യമായി പരത്തുക. ഇത് കുറച്ചു കഴിയുമ്പോള്‍ കുറച്ചു കൂടി കടും നിറമാകും. അത് കണക്കാക്കി വേണം ഉള്ളി കോരിയെടുക്കാന്‍.