ആവേശകരമായ പോരാട്ടത്തിൽ യുഎസ്എയെ 3–1നു കീഴടക്കി നെതർലൻഡ്സ് ഖത്തർ ലോകകപ്പിന്റെ ക്വാർട്ടർ ഫൈനലിൽ ഇടം നേടുന്ന ആദ്യ ടീമായി.

10–ാം മിനിറ്റിൽ മെംഫിസ് ഡീപായ്, ഡേലി ബ്ലിൻഡ്(45+1), ഡെൻസൽ ഡംഫ്രീസ്(81’) എന്നിവരാണ് നെതർലൻഡ്സിന്റെ ഗോളുകൾ നേടിയത്. 76–ാം മിനിറ്റിൽ ഹാജി റൈറ്റ് യുഎസിനായി ഒരു ഗോൾ മടക്കി.

നെതർലൻഡ്സിനായി ഒരു ഗോൾ നേടുകയും രണ്ടു ഗോളിനു വഴിയൊരുക്കുകയും ചെയ്ത ഡെൻസൽ ഡംഫ്രീസാണ് യുഎസ്എയ്ക്കെതിരായ മത്സരത്തിലെ മിന്നും താരം.

ബോക്സിലേക്കു പുലിസിക് നൽകിയ ക്രോസ് തടയാ‍നെത്തിയ നെതർലൻഡ്സ് ഡിഫൻഡർമാർക്കിടയിൽ നിന്ന് ഹാജി റൈറ്റിന്റെ കാലി‍ൽത്തട്ടി പന്തു ഗോളിലേക്ക്(2–1).

5 മിനിറ്റിനുള്ളിലായിരുന്നു ഡംഫ്രീസിന്റെ നിർണായക ഗോൾ. ബോക്സിന്റെ വലതു ഭാഗത്തേക്ക് ബ്ലിൻഡ് ഉയർത്തിയ ക്രോസിലേക്ക് ഓടിയേത്തിയ ഡംഫ്രീസിന്റെ ഇടംകാൽ ഷോട്ട് വലയുടെ ഇടതു മൂലയിൽ (3–1).