അർജന്റീനയുടെ ലോകകിരീട സ്വപ്നം മുന്നോട്ടു തന്നെ. വെള്ളിയാഴ്ച നെതർലൻഡ്സിനെതിരെയുള്ള ക്വാർട്ടർ ഫൈനലാണ് അടുത്ത കടമ്പ

കരിയറിലെ 1000–ാം മത്സരം, അർജന്റീന നായകനായി 100–ാം മത്സരം. ഈ മുഹൂർത്തം മനോഹരമായൊരു ഗോളിലൂടെ ലയണൽ മെസ്സി ആഘോഷിച്ചതിനു പിന്നാലെ ഓസ്ട്രേലിയയ്ക്കെതിരെ 2–1 വിജയം.

ക്വാർട്ടറിൽ മെസ്സിക്കു തുണയാകാൻ ഫോമിലുള്ള റോഡ്രിഗോ ഡി പോളും ജൂലിയൻ അൽവാരസും അലക്സിസ് മക്അലിസ്റ്ററുമുണ്ടെന്നത് നേട്ടമാണ്. പ്രതിരോധത്തിലെ പോരായ്മ സ്കലോണി പരിഹരിക്കണം.

മുപ്പത്തഞ്ചുകാരനായ മെസ്സിയുടെ അവസാന ലോകകപ്പ് ആയേക്കും ഇത്. ലോകകിരീടം മാത്രമാണ് മെസ്സിയുടെ നേട്ടങ്ങളിൽ ഇല്ലാത്തത്.

അർജന്റീനയും മെസ്സിയും ആ കിരീടത്തിൽ മുത്തമിടുന്നത് സ്വപ്നം കാണുകയാണ് രാജ്യവും ആരാധകരും.