ഗൾഫ് മണ്ണിൽ ഏഷ്യൻ അട്ടിമറിക്കഥ രചിച്ച ജപ്പാനും കഴിഞ്ഞ ലോകകപ്പിലെ രണ്ടാം സ്ഥാനക്കാരായ ക്രൊയേഷ്യയും പ്രീക്വാർട്ടറിൽ ഇന്നു നേർക്കുനേർ
ജർമനിയും സ്പെയിനും ഉൾപ്പെട്ട ഗ്രൂപ്പ് ഇയിലെ ഒന്നാം സ്ഥാനക്കാരായാണ് ജപ്പാന്റെ വരവ്. ഗ്രൂപ്പ് എഫ് രണ്ടാം സ്ഥാനക്കാരാണ് ക്രൊയേഷ്യ.
2002, 2010, 2018 ലോകകപ്പുകളിൽ പ്രീക്വാർട്ടറിൽ കടന്നതാണ് ജപ്പാന്റെ ലോകകപ്പിലെ മികച്ച പ്രകടനം. ക്രൊയേഷ്യ കഴിഞ്ഞ ലോകകപ്പിലെ രണ്ടാം സ്ഥാനക്കാരും.
ലഭിക്കുന്ന ചുരുക്കം അവസരങ്ങളിൽ നിന്ന് ഗോൾ നേടുന്ന സ്ട്രൈക്കർമാർ ജപ്പാനുണ്ട്.
കോച്ച് ഹജിമെ മൊറിയാസു നടത്തുന്ന മാറ്റങ്ങളാണ് ടീമിന്റെ ശക്തി. ജപ്പാൻ അടിച്ച 4 ഗോളിൽ മൂന്നും പകരക്കാരാണ് നേടിയത്.